استراحة مع أنثى

ما أجمل أن ترى امرأة جميلة...تسكن داخلك وتستوطن كيانك.. حلم رائع..يبدع في تخبله كثير.. فهل يتحقق كما يتمنون؟

أن تتكئ رأسك بين أحضانها..تشعر بدفء حبها يحتضنك.. وبرقة أنوثتها تأسرك.. إحساس هو قمة الهيام.. فهل يمكن أن يكون؟

أن تحتضن بين ذارعيك وقلبك طفلا هو قطعة منها..تضمه وتشمه.. تشعرها حينها بفرحة العمر.. لا أنها أنجبت لك طفلا..إنما لأنك تحتضن جزءا منها..

براءة الأنثى ليست بكلمات وهمسات.. هي حركات وسكنات لا تعيها هي.. إذا وقفت أمامها فأنت مرآتها.. وإن غبت عنها انتظرتك لترى نفسها..

تشعر بدفء كفيها و رقة ملامحها..فتحتضن كنزا بين أضلاعك.. هي لن تنكر لك معروفا.. فأشعرها بالأمان..

بداية العشق كلمة.. و وسطه كلمة.. ولا ينتهي إلا بكلمة.. انتقاء الكلمات هو الذي يحدد عمر هذا الحب وزمانه.. لتكن كلمات صادقة لكي لا نصل إلى الكلمة الأخيرة أبدا..

ستارة المرأة خجلها..لا يمكن كشفها إلا بالإخلاص في الحب.. وراء هذه الستارة تختبؤ مشاعرها..والوصول إليها لا يحتاج مشقة..كل الأمر هو إخلاص وصدق ووفاء..

نفس الأنثى بطبعها عزيزة..إن طلبت خافت أن ترد خائبة .. وإن كان فهو جرح لا ولن يداويه الزمن..

نقطة الصدق الوحيدة التي يمكن أن تستدرج الأنثى من خلالها لتفيض بمشاعرها أن تشعر أن هذا الرجل لها هي طوعها وحدها..

أحيانا ما نشعر أنها حزينة.. كي يمكن إختراق جدار الحزن هذا لا بد وأن نعو لسلاح الكلمة وحلاوة اللسان ..

حذاري أن نترك الأنثى في حزها وحيدة.. فحتما سينتهي بها الحال إلى الإكتئاب والشعور الكاذب بالكره للدنيا ومن فيها..علاج ذلك أصعب منه ذاته.. هذه بعض من أسرار الأنثى وعالمها..مما عرفته أنـا..

(.. هذه استراحة قصيرة .. لست بعيدا عن أجواء غزة وأحوال أهلها أعانهم الله..لكنها قطعة سكر في بحر ملح ..)

33 التعليقات:

fnoonh يقول...
أزال المؤلف هذا التعليق.
bastokka طهقانة يقول...

يا سلام على الروقان
لسة في حد متشحورش من كتر نشرات الاخبار
و الله كويس

تحياتي
اوروفوار

Batoooot_soso يقول...

ههههههه
:)
الله ياعم على الكلام بس اهم حاجه انك يكون عندك امل بان الحلم يتحقق
تحياتى بطووووووووووط

وردشان smilyrose يقول...

نعم فالبصدق وحده يشعر الانسان

بالسعادة الكامنة بداخله

بالاحساس الذى طالما حلم به وتمناه مع

من احبه قلبه ويالها من سعادة

عندما تضم نتاج هذا الحب

طفلا جميلا اتى من قلب عاشق وقلب نابض

بالحب يالها من روعة هذا الاحساس

ولكن كل هذا يتوقف

على الصدق

الصدق فى البداية

والصدق دائما

حتى لا يكون هناك يوما نهاية

حتى فى عالم آخر

smilyrose

روح الحب الصادق

غير معرف يقول...

كلمات ليست كالكلمات !!!!!

تحياتي لك

رحــــيـل يقول...

استاااااذ بجد

ياريت كل رجل وشاب يفكر بالشكل ده ويفهم كل اللى انت قولته
كانت الدنيا كلها بقت حب فى حب
ومكنش هيكون فى مشاكل ولا فراق ولا خلافات

رائع فعلا
احيك بشدة

غير معرف يقول...

السلام عليكم

كلمات بجد رائعة واستراحة تبعث حقا

على الراحة

قرأت كثيرا وأعجبنى بشدة اسلوبك الهادئ

تحيتى وتقديرى

بـسـمـــة صـــــلاح يقول...

بجد يامستر انت انسان شفاف أوي ورقيق
وكلامك نابع من قلبك عشان كدا كان في منتهى الروعه ياريت كل الشباب زيك كدا
ربنا يسعدك
ربنا ينصر أهلنا في غزة
~~~~~~~~~~
دمت بكل ود
تحيـــــــاتي(:

شمس النهار يقول...

.. نقطة الصدق الوحيدة التي يمكن أن تستدرج الأنثى من خلالها لتفيض بمشاعرها أن تشعر أن هذا الرجل لها هي طوعها وحدها..

فعلا اصبت
الصدق في المشاعر والكلمه والفعل
هو الطريق الوحيد لأستمرار الحب ونموه السليم
واصدق شئ ان تري المراه في عين زوجها او حبيبها انها المراه الوحيد له
بصراحه تسلم ايدك ودماغك
برغم صغر سنك اصبت كبد الحقيقه(شفت كبد الحقيقه دي)

ستيتة يقول...

جميل جميل جميل تلاتة جميل
ايه ياسيدي رومانسية الزمن الجميل دي
وايه الفهم الراقي ده للأنثى
حفظك الله وتتحفنا قريحتك بمعاني جميلة كمان وكمان
قريت البوست الاخير؟ ها يكمل الصورة معاك لأنك زي ما تكون شفته
تحياتي

شهرزاد يقول...

أول مرة أسمع رجل يمدح المرأة.. فعادة ما تطال المرأة الاتهامات بالسلبية وانها تفتعل المشاكل والنكد..
أحييك فعلا على هذا الوصف الرائع
لقد أجدت بالفعل وقد لمست بعضا من صفاتي فيما ذكرته..
ولولا أنك كاتب شفاف و حساس لما بدأت تكتشف الخبايا والصفات الجميلة في قلب المرأة..
فقسوة الرجل احيانا تمنعه من رؤية مشاعر الحب والجمال والتضحية لدى المرأة
فالانثى بطبعها رقيقة وجميلة هكذا خلقها الله، ولكن هناك نساء تشذ عن القاعدة فلكل قاعدة شواذ

أشكرك على هذا الإحساس العالي
وعلى مقدرتك على الغوص في أعماق الانثى
أسلوبك رائع رقيق وشاعري

تحيتي

Brave Heart يقول...

يا عينى يا عينى
;)
;)
انا مشفتش ولد بمتدح المرأة قبل كدة
اخيرا حسيت ان فى حد فاهم
بس بجد ما شاء الله عليك
عرفت تعبر كويس وصح جدا
لا اله الا الله

Anas Alaa يقول...

قلة أدب

عاشقه الرومانسيه يقول...

ماشاء الله عليك
انت بجد روووووعه

قرات كلماتك واستعجبت كثيرا
واعجبت بها اكثر
استعجبت لانك تصف المراه وكانك تحيا بداخلها
واعجبت لان قليل من الرجال بل ناااادرا
ما نجد رجل يعبر عن امراه بهذا الاحساس
ان كانت المراه لغز فحله كلمه حب
تحياتى واحترامى الشديدين لك
يا عزيرى ادم
حواء

yoyo يقول...

أبحرت فى مشاعر الأنثى بكل سلالة و رقة
دخلت الى عالم الانثى الخفى و وضعت يديك على مواطن أسرارها

كتبت بكل ما يحمله قلبك النقى من حب و اخلاص عن ما تتمنه فة أنثاك و حبيبتك
عزيزى الآنثى كائن رقيق و يحمل بين طياته الكثير و الكثير من الاسرار و لكن يحب تحب و تخلص تعطى بلا حدود و على يد حبيبها تنكسف كل الاسرار


تحياتى
يويو

روح يقول...

ما شاء الله علي اسلوبك
لو كل الرجال تفكر بالطريقة
ومش تفكر بس تطبق الكلام دة
عمر ما هيكون وراء كل باب خناق
وتوتر وعدم اتزان
عجبني اوي تنويهك عن غزتنا
المنتصرة ان شاء الله
ثبت الله مجاهدينا
ونصرهم وايدهم بجند من عنده
تحياتي

Unknown يقول...

طهانة..
هو مش روقان قوي بس أنا قلت ناخد هدنة شوية..تحياتي لكي وشكرا على الزيارة الكريمة..

بطوط..
هو أنا عندي أمل كبييير جدا..بس الله أعلم الحلم هيتحقق امتى..تحيتي

smilyrose
عندك حق لو الواحد كان صادق من الأول هيلاقي الديا حلوة جدا وسهلة وبسيطة انا كنت صادق والله بس في حجات قلت مش ده الوقت الي تعرفه فيها وقعدت أجل إني أقولها لحد ما عرفت هيا لوحدها وطلعا موضوعنا انتهى..الحمد لله على كل حال ربنا يكتبلي الخير مع غيرها بأه..مودتي

غير معروف..
ولو إني كان نفسي تحط اسمك...بس ع العموم خير..شكرا ع الزيارة..

رحيل..
ربنا يخليكي..ده بس من الي أنا حسيته وعرفته فمش بحب أنكر شيء واقعي..هذه هي الأنثى فعلا..شكرا ع التحية ..مودتي

المحارب المتيم..
أسعدتني زيارتك..وأسعدني أكثر تعليقك..تحيتي لك

بسمة صلاح
ويسعدك يارب يا بسمة..بس أنا مش شفاف أنا معتم هههههههه..ربنا يخليكي ع المدح ده..مودتي

شمس النهار..
الحمد لله إني أصبد كبد الحقيقة المرة الجية ع القلب علطول..ههههههه..ربنا يكرمك يارب ويفضل كلامي عاجبك كده علطول..تحيتي

ستيتة حسب الله حمش..
شكرا شكرا شكرا..بجد مش عارف أقولك ايه..اه شفت البوست الأخير عندك بس لسة مكملتش قراية فيه لما أخلصه هحط لمستي عليه..بس بجد شكرا تاني..مودتي

شهرزاد..
طبيعة الرجل ليست امتهان القسوة ولكنها صفة في بعض الرجال ..لكن الطبية الأنثوية هيا دي زي ما ذكرت في النص..يعني شفتي طلع فيكي من الصفات دي..جوا قلب كل أنثى بحر واسع فيه حجات كتييير ..أنا عرفت شوية منها..وهعرف الباقي أكيد..ربنا يخليكي يارب يعني الحمدلله ألف مرة إن كلامي بيعجبك مش بتملي منه..رأيك بيبعث جوايا روح عالية تدفعني لإكمال مشوار الكتابة والتدوين للأبد..مودتي

Brave Heart
لا اطمني أنا دائما بنحاذ لجنس الأنثى خاصة في موضوع المشاعر..لكن في حجات مينفعش فيها أبقى محايد.. أنا راجل دايما ولن أغير وجهتي معنى انحيازي للجنس الأنثوي ما هو إلا في حدود الفطرة الإلهية يعني مينفعش أظلم وأقول مبيحسوش وظلمة وجبارين والستات والبنات مش كده خالص صحيح في شواذ في قاعدة الرقة والأنوثة الحقيقية بس دي حجات قليلة متستاهلش إني أبني عليها رأي..
ربنا يكرمك على زيارتك ورأيك..على فكرة من الناس الي بستنى تعليقهم انتي فياريت متطوليش الغيبة..تحيتي أيتها الكريمة

أنس علاء
ههههههههه..المشاعر بقت قلة أدب ..ده رأيك يا سيدي وعلى راسي من فوق بس مش ملاحظ إنه رأي ملوش تاني هنا..تحيتي

عاشقة الرومانسية..
أختي الكريمة..مفيش داعي للإستعجاب فعلا أنا سكنت جوا أنثى فترة طويلة جدا عرفت فيها ده كله..بس دلوقتي نقلت هههههههه أقصد غيرت مكان سكني من أنثى لأنثى حاكم الأولى جابتلي حكم من المحكمة بإخلاء المكان فورا..هههههههه..الحمد لله على كل حال..على فكرة تعليقك عجبني ياريت تجي هنا علطول مش مرة وتقطعي..
وشكرا على زيارتك يا حواء..

yoyo
مش هعرف أرد على كلامك الأكتر من رائع والي عجبني جدا..أخجلتي تواضعي فعلا..هههه..ربنا يوفقك ويكرمك..وأقدر ابحر أكتر في عالم الأنثى عشان أكشف بقيت الأسرار..بس ياترى لما أكشفها وأكتبها هنا مهيبقاش سر ده هيبقى على عينك يا تاجر..هههههههههههه
تحيتي الخاصة لك

ro7
أنا واحد من الرجالة الي بتفكر بالطريقة دي بإذن الله مهيبقاش عندي خناق طالما الواحد قدر يفهم أسرار الأنثى وخباياها بس لسة قدامي مشوار كبير في بقيت الأسرار والخبايا..أنتن بحر ليس له قرار..مودتي وربنا ينصر إخوانا يارب في غزة..


بجد مش عارف أقولكم كلمك ايه..بجد بفرح قوي بزيارتكم كلكم..بكون في قمة السعادة مش عشان بس بتعلقوا لا عشان بتتجاوبوا معايا وتحسوا بالي بكتبه مهما كان..
يارب يدوم الود بيني وبينكم ونظل في عالم التدوين هذا إلى ما شاء الله..
تحيتي لكم جميعا

عاشقه الرومانسيه يقول...

ان شاء الله مش هتكون اخر زياره
بس انت نقلت ليه؟
ما كنتش بتدفع الايجار؟
هههههههه
بعد اذنك اضفتك فى الريدر عندى علشان
اقدر اتابع الجديد
عايزه الموضوع اللى جاى ما اعرفش ارد عليه بقى من حلاوته
يكون اجمد من ده
تحياتى

كاميليا بهاء الدين يقول...

السلام عليكم

ايه ده كله؟؟

نادراً ما نقرأ كلمات كاللؤلؤ يضعها آدم على رأس حواء ..

كلما كان آدم جميلاً .. يرى حواء جميلة

انا جيت اهو
ومصالحاك ..
مع اني من فترة طويلة مش باكتب او بازور مدونات لانى مشغولة جدا يعلم الله ..
لكن مش اقدر مش اجى لما توجه لى الدعوة

دمت بارع

تركتك بود واحترام

♥..~*شـــوشـــو هـــانــم*~..♥ يقول...

تعبيرات مميزة من شخص مميز
نادرا ما نجد في زمننا هذا رجال مشعاعرهم صادقة كمشاعرك

****************
دمت ودام قلمك المبدع

*** حور- نور*** يقول...

احساس جميل ودخول رائع لعالم المرأة بدون خدوش أو جروح
وبعدين الله يكرمك اناأول مرة أشوف حد بيمدح فى المرأة
رغم ان المرأة دى ممكن تكون اخت أو أم أوزوجة يعنى أقرب إلى الرجل من جميع الجهات فلماذا لا تأخذ حقها فى التعبير كما عبرت أنت عنها

عمرو يقول...

أستاذ و رئيس قسم و الله
أشهد لك يا أبنى بالبراعه و الحنكه و بوست رائع و جه فى وقته تمام :)
قول كمان قول

Asmaa Fathi يقول...

جميل بجد

الرومانسيه والعذوبه فى كلماتك

لك تحياتى مرتين مره لك ومره لاحساسك الخلاب

Unknown يقول...

عاشقة الرومانسية..
والله كنت بدفع الإيجار وآخر تمام بس صاحبة الملك عاوزة كده..الحمد لله على كل حال..
اذنك معاكي يا أخي ضيفيني طبعا عندك ده شيء يسعدني جدا ومابعك والله شرف واج على راسي..ربنا يكرمك..

زهرة الكاميليا..
ربنا يكرمك يا سي على لبية الدعوة السريعة دي أنا بس كن زعلان عشان مقدرش أفقد حد من زواري الي بجد بحترمهم جدا خسارة قوي لما أفقد حد ..آدم مع أنه قزام على حواء بس بدون ما تكون هيا تاج على راسه ميعرفش هو يمشي أصلا..تحيتي

shosho
ربنا يكرمك ده بس من زوقك
تقبلي تحيتي

حور نور
ته يعني كلامي وتعبيري عجبك أمل بتتأخري ليه بأه..خير كلامك في التعليق غفرلك تأخيرك المرات الي فاتت..تحياتي

عمرو..
لا هو الكلام مش في وقته خالصعلى فكرة صحيح الحمد لله الضرب وقف في غزة بس مازال الجرح ينزف..دي بس استراحة صغنونة..
ربنا يكرمك يارب على رأيك..وياريت متكونشي مرة وتقطع..تحياتي

gana maged
شكرا قوي بجد فرحت لما لقيت زائرة جديدة لمدونتي بجد ربنا يخليكي يارب..شكرا على كلامك وتحيتك مقبولة فيالمرتين بس مش هسمحلك تغيبي بأه عن المدونة دي طالما جيتي هنا هيبقى حسبس دائم..ههههههههه..دمتي كما تحبين بخير..
تحياتي

بنت الغربة يقول...

ايه الروقان الجامد ده؟؟
انا نفسى اعيش واشوفك بتكتب الكلام ده بعد عشره خمستاشر سنه كده....
ةتكون اتجوزت وخلفت واتكحولت فى المسؤوليه زينا..
وياريت يكون الكلام ده لمراتك..
بجد هتبقى من عجايب الدنيا السبعه..
تحياتى ليك ولكلامك الحلو

Unknown يقول...

بنت الغربة..
شكرا طبعا على رأيك وربنا يديكي طولة العمر وتشوفيني لسة بكتب الكلام ده..انت مفكرة اني ممكن أغير رأيي ووجهة نظري لا طيب ما أنا اتجرحت حرج كبيييييير قوي ولسة عايش أهو وبقول الكلام ده دلوقتي وبعدين ولحد لما أموت الأنثى كان ملائكي على الأرض مش ربنا بيقول إنها السكن للإنسان ازاي تبقى سكن الا اذا كانت ملاك مع طبعا الأخذ في الإعتبار إن لكل قاعدة شواذ في الرجالة وفي الستات..
وجهة نظري ولن تتغير..الأنثى تاج على رأس الرجل وهو صاحب هذا التاج..علاقة تكامل وتكافل ..
ربنا يكرمك ويعينك..
تحياتي ومودتي

Brave Heart يقول...

طبعا طبعا ان شاء الله هكون موجودة
بس يمكن يكون فى تاخير عشان خلاص بحضر لانى ىهبدأ دراسة يوم السبت ان شاء الله
سلامات
دمت كاتب رائع
:)

أنــا يقول...

بجد بجد كلام أكثر من رائع ..
ارفع له القبعة ..
كلام حقيقي جدا .. مش مصدقة ان في حد قادر يفهم ..
بجد تسلم اديك ..
ملحوظة .. احنا كلنا قلبا وقالبا مع غزة بس دا مش معناه ان الحياة تقف .. او نبطل كلام في اي حاجه تانيه .. لان في موضوع غزة بالذات خلص الكلام .. ولازم يبقى في فعل ..
وربنا يعينهم يازن الله ويستمر وقف اطلاق النار .. دعواتنا كلها معاهم ..

تحياتي لك ولأحساسك ولقلمك ..

Unknown يقول...

أنا..
بجد بأه أنا الي لازم أقولك شكرا كبيرة قوي قوي قوي..شكرا لتقديرك لكلامي واحترامك لهذه المشاعر وإعجابك بها..شكرا ع القبعة الي رفعتيها لكلامي..شكرا لزيارتك الغالية قوي..شكرا بجد
طبعا كلنا قلب واحد مع غزة ..والدنيا ستسير بنا أو بغيرنا أو حتى بدون أحد ستسير والحمد لله على وقف إطلاق النار وربنا ينصرهم ويسلمهم..
تحيتي لكي

nor يقول...

تحياتي لك يااااااااااااااااه معقول في راجل بيفكر كده و ما شاء الله ففي السن ده
بجد مش لاقيه كلام غير ان لو كل راجل عرف الكلام ده اكيد كانت الدنيا اتغيرت لان الحياه ما هي الا رجل و امراه
تحياتي ايها الشاب و اتمني اني الاقيك كده بعد مرور السنين
ادام الله عليك نعمه العقل الراجح
و احلي كلمه ان الصدق هو المفتاح دي الحقيقه فعلا
علي فكره بحب المنصورة جدا بلد جميلهتحياتي لك و لكل اهلها

nor يقول...

من اجمل ما كتبت
فاشعرها بالامان ..و ستاره المراه خجلها لا يمكن كشفها الا بالاخلاص في الحب
تحياتي لك

Unknown يقول...

nor
بجد شكرا قوي أخجلتي تواضعي
أنا متأكد إن فيه رجالة كتير بيفكروا زيي بس المشكلة بيعاندوا الراجل بطيبعته بيميل للمرأة عاطفيا دي فطرة لكن بأه تقولي ايه في رجالة دبش ميعرفوش يجاملوا أو يقولوا حاجة عدلة..
ربنا يخليكي هيا المنصورة فعلا حلوة..
بودي لو تتابعيني دائما هكون سعيد جدا والله
تحيتي لكي وخالص مودتي

MaNoOoSh يقول...

يااااااااااااااااااااااااه
تصدق ان الكلام دة جميييييييل جدا, شكلك كدة بتحب بجد وربنا يكرمك بقى فى السكن التانى ويبقى تمليك ههههههههههه
والله انت انسان رقيق جدا وبنا يكملك بعقلك ويحميك.

 
') }else{document.write('') } }