عـصفـورة أميـر

أدرك جيدا أن قلبها لن يكون يوما له ..لن يحمل بين جوانحه مشاعر عشق له أبدا.. لكنه سقى قلبه رشفات من جمالها.. لمسات من يدها.. ونظرات من عينها..لمح وراء جفونها خيالا ىخر لا تنطبق ملامحه عليه أبدا.. لم تكن أمامه تلك الفرصة ليتكلم إليها ويبثها مشاعره.. هي لا تسمح لنفسها إلا قليلا ونادرا أن تتحدث إلى شاب وفي أحلك الظروف.. لم بخاطبه لسانها سوى مرتين فقط ..

لم يأبه بما شعر به من جفاء قلبها نحوه.. حاول بتلميحات وحركات أن يلفت إنتباهها , وهي قمة اللامبالاة.. ذاق في حبها العذاب والسهر.. يضع رأسه على وسادته.. لا يغمض له جفن..تتصارع الأفكار في رأسه..والمشاعر في قلبه لكي تقلق منامه وتؤرق عينه..

اتبع طريقة الهدنة مع قلبه..يريحه بتلك النظرات التي تمتلأ ألما وتشوقا إليها.. يوميا يأخذ الطريق خلفها سيرا .. لا يشعر بتعب أو ملل.. سألته أكثر من مرة عن الشيء الذي يلقاه من سيره خلفها كل هذه المسافة وهي تعلم تماما بهذا..لكنها لا تكلف نفسها حتى إخباره برفضها له..

مرة كان يسير خلفها وكأنما يحرسها حتى تصل بيتها.. غيرت اتجاه سيرها..تسير وسط مجموعة من زميلاتها..تعجب لم غيرت وجهتها .. سار خلفها..جعلت تروح وتجيئ.. تفهم هي أنه خلفها..تريد أن تسيمه ذلا.. مرة تجري وأخرى تبطئ وفجأة تعود فتجري.. حكى لي ذاك اليوم.. قال لي ..كدت أصارحها يومها..قد كان يوما لعبنا فيها سوية..أحرق قلبي بتلك الكلمات..هي لا تنظر إليه ولا تأبه به..كانت فقط تريده أن يشعر بالملل ويتركها وشأنها.. ويستحيل أن يفعل هو هذا.. يحبها ومن الحب ما أفقد المرأ عقله..

بعثت ورائي يوما لترسل معي رسالة إليه..تعرف أني صديقه المقرب.. قالت لي بالحرف ( قول لصاحبك ... بتشكرك قوي ع الحراسة الخصوصي وخلاص هيا مش عاوزة ..مش قابلاك يعني..) لم أتكلم معها في شيء..تركتها وذهبت إليه أخبره بما قالت.. نزل الكلام عليه كأنه سياط من نار.. ثم تحول إلي يصرخ فيّ ..ومن سمح لك بالحديث معها.. كدت أموت ضحكا من تناقض المواقف..رددت له جوابا..هي من دعتني لأرسل لك هذه الرسالة لا من أجل أن تحب فيّ.. تركته يومها ورحلت عنه وهو في حالة يرثى لها..

هي فتاة تمتلك جمالا بارعا صوره الإله على خلقتها..لا أعرف ما الذي جذبه بهذه القوة لها والمعروف عنها بين زملايلاتها( الضابط القمر).. لكن عيني يوما ما لم ترح إليها ولم أفكر قبل أن أعرف حبه لها حتى في أن اقول عليها كلمة (جميلة) فقلبي ينشغل بغيرها وعيناي تملأهما ملاك..أراها أجمل منها كثيرا..لم أكن حينها أحب من هي في قلبي الآن أو حتى غيرها.. لكني لم أجذب لها ولا أحد من زملائنا لأنها لا تنتبه لأحد..

كلمني يوما في منتصف الليل..( إبراهيم..سأتحدث إليها غدا..) كنت في شيء أشبه بالغيبوبة فسألته ببله تام..(من هي..؟) رد (أسمــاء طبعا هو في غيرها..) حاولت منعه لأني أعرف ردها وأعرف ما ستقوله له ..لكنه كان قد قرر وبقي عليه التنفيذ.. فعلمت ان الكلام الآن ليس له داع.. لنرى ما سيحدث وهو في ذهني معلوم مسبقا.. كنت مرة قد فكرت في إحداهن .. قبل أن أعرف الحب كما هو في قلبي اليوم.. وكلمتها فعلا ..لكنها ردتي بطريقة كسرت قلبي.. لا ألما من حبها فما كنت يومها أدرك ما الحب حقا.. إنما حسرة وندما أن فكرت فيها يوما.. ورأيته في اليوم التالي.. وقد عزم ووضع الخطة ورتب كلامه وبقي على التطبيق خطوة.. هي أن تخرج كما تعودت وتسير إلى أن تكون هي وزميلاتها على البحر( النيل ).. طلب مني أن أراقبه من بعيد ومهما كان فليس لي دخل بما سيكون.. وراح هو في طريقه إليها..

كانت معها زميلتين.. سار حتى اقترب منهم.. إذا سمحتن.. التفتن جميعا..( معلش عاوز أسماء في كلمة) نظرن إليها.. كادت أن تنطق بالرفض وبصوت عال.. لكنها لمحت في عينيه نظرة لم ترها من قبل.. رأت في وجهه ملامح وعلامات مختلفة تماما.. ثم عادت فتكلمت بارتباك..(عاوز مني ايه مش قلتلك ابعد عني..) حينها تركتها زميلتيها معه وسارتا بعيدا..ظلت تناديهن ولا يجبن.. وحلت الفرصة ليتكلم.. اقتربت منهما من حيث لا يراني هو أو تراني هي.. بدأ يتكلم..أسمع كلامهما أحيانا وتمر سيارة تسقط مني بعض الكلمات.. وبدأ يتكلم.. لم أتبين كلماته الأولى فقد كان حالته تبكي أحدا إذا رآه..ما جعلها تضعف وتفتح له فرصة ليتكلم.. فجأة انتبهت تماما إليهما..وجدتها تضع يدها على فمه..وجهه يبدو عليه الذهول أو الصدمة..أمسك ذاك السور الفاصل بينهم وبين مياه النيل.. رفعت يدها..اقتربت أكثر لأسمع ما ستقول.. لو رفع عينه لرآني.. (اسكت متقولش حاجة يا أمير ..أنا عارفة ده كله وحاسه بيه من زمان..انت فكرك لو عاوزة أطفشك بجد مكنتش قدرت..في ألف طريقة وطريقة..سامحني في التعب الي سببتهولك بس بجد كان نفسي في الخطوة دي من زمان..جت متأخرة اه..بس أهي جت) ربما يكون قد نسي أني أنتظره لنعود سويا نكمل سيرنا..ذهب معها..راحا يسيران سويا.. ضحكت بملئ فمي.. ورحت بعيدا عنهما..فقد عشقت العصفورة من كان يحلم بها..تعجبت كثيرا يومها..ما هكذا كان يظهر عليها يوم أرسلت معي رسالتها لها..أنتن أيتها الفتيات كما قيل ( يتمتعن وهن راغبات) .. وهذا أيضا من خبايا نفوسكن البريئة.

(معظم هذه الحكاية من خيالي..الحوارات كلها..وأسلوب السرد لي..موجز الحكاية حدث فعلا مع صديق مقرب لي هو بطل هذه القصة..أما أنا فبطل لقصة حب أخرى..أتركها في قلبي وقلب أنثاي وحدنا)

30 التعليقات:

حبيبة الروح يقول...

جميله يا ابراهيم بجد رائعه بس معقول تكون قصه حقيقه بس زي ما بقول كل مرة اسلوبك في السرد رائع بحق
تحياتي
اختك

MaNoOoSh يقول...

أحسن حاجة عملها صاحبك انه استجمع شجاعتة وكلمها, أصل الجبن والتردد عمرهم ما نفعوا حد, بس فعلا البنات دول متخلقش لسة اللى يعرف هم عايزين إيه بالضبط ولا أظن انه هيتخلق اساسا ههههههههههههههه
بس بقى لحسن فكرتنى بالذى مضى عاااااااااااا, لا خلاص مش هعيط هنا
بس اسلوبك فعلا حلو
سلام

Brave Heart يقول...

هههههههههههههههههه
تحفة
وبجد بجد انا كأنى كنت بتفرج على فيلم ليهم اصلا
دمت بود
لا اله الا الله

بـسـمـــة صـــــلاح يقول...

هيييييييييييييييييه التعليق الرابع

ههههههههههههه

هقرا وارجع

بـسـمـــة صـــــلاح يقول...

هههههههههههههههههههههههه
لا فظيعة بجد
لازم الغلبه دي كلها
ربنا يسعد صاحبك ويوفقه
~~~~
واسلوبك يجنن زي ما عودتنا دايما
دمت بكل ود
تحيــــــاتي(:

ro7 يقول...

هههههههههه
ماشي ياعم ربنا يكرمهم
ويجعلهم من نصيب بعض
ويجنبهم المعاصي يارب
اسلوبك جميل بجد
وفي انتظار الجديد
تحياتي

ندا منير يقول...

كتير قوى من البنات بيفرحوا لما يلاقوا حد بيحبهم ولو هما رافضين مش بيقولوا
بيبقى عندهم متعة فى كدة

بس بجد ما شاء الله على اسلوبك فى الكتابة
اسلوبك رائع قوى

أنــا يقول...

قصة رائعه بجد .. بجد بجد مفيش كلام يتقال ..
أسلوبك حلو جدا جدا جدا ..
والحكايه حلوة أوي ..

ربنا يبارك لصاحبك ويباركلك يارب
..
تحياتي ..

norahaty يقول...

اللى يصبر ينول
مش بيقولوا كده!
وكمان بيقولوا الصبر
مفتاح الفرج!والحمد
لله اهى فرجت ومن
واسع كمان
حلوة اوى

smilyrose يقول...

يابخت تلك العصفورة باميرها

فقد نطق وتكلم

وياليت ما اعنيه يتخذ تلك الخطوة

قبل فوات الاوان قبل موت الحب


ولكن اسلوبك رائع

بطريقة جميلة جدا

ابدعت

smilyrose

روح الحب الصادق

شهرزاد يقول...

قد تكون تلك الفتاة مغرورة بجمالها زيادة عن اللزوم.. أو انها تحب ان تكون دائمة مطلوبة وليست طالبة.. وليست كل الفتيات كتلك
فغالبا ما يكون الخجل مانعا للفتاة من إظهار حبها وقبولها بالطرف الآخر ما لم يبدأ هو بذلك
قصة جميلة
أمتعتنا

ستيته حسب الله الحمش يقول...

عزيزي ابراهيم
ليس عيبا ان تعرف البنت انها جميلة فهي ان لم تعلم فهي اما جاهلة او عامية
الأنثى القوية "وهم كثر ولله الحمد" لا تعترف ابدا بالنحنحة والسهوكة والنظرات والآهات بل أكاد اجزم انها تحتقرها جدا
ان احب الرجل امرأه وكان قدره ان يحب الجميلة القوية فيجب ان يخترق كونها وعالمها اختراقا لا يسمح لها الا بالإستسلام
جميلة ورائعة وربنا يوفق امير وعصفورته وابراهيم وحبيبته

حنان سعيد يقول...

حلوه اووووي بجد
تسلم ايدك بجد
انا حسيت اني شايفه الاحداث قدامي
قد ايه الحب الي وصفت بيه صاحبك احساسه حلو اووووي
وبجد مافيش احسن من الصراحه
في الدنيا
وكمان مصارحه الحبيبه نفسها
تسلم اديك
.....
أما أنا فبطل لقصة حب أخرى..أتركها في قلبي وقلب أنثاي وحدنا)


ربنا يسعدكم يارب ويبارك في حبكم

Brave Heart يقول...

ايه يا عم كميه الستات الى معلقين عندك دول
ابسط يا عم
ههههههههههههه
بس بجد بجد والللهى جامدة
انا كمان التعليقات عجبانى اوى
وكلامك تحفة
معرفش بجد
بحس انك فاهمنا اوى اوى
زيادة عن اللزوم
وفاهمنا صح
بجد دى مشكله
الحمدلله ان الشباب الى عندى فى الكليه كلهم مش فاهمين
;)
;)
سلامات
لا اله الا الله

شمس النهار يقول...

لولا انك قلت انها قصه واقعيه ماكنتش صدقتك
البنت تصرفت تصرف غريب
طب فرضنا ان الولد صدق وبعد عنها هتعمل ايه
كانت هتفقد حب ممكن يكون حب عمرها

فتاه حالمه يقول...

زعلانه منك جدا
عايز تقري اي خواطر يا سيدي فاش في المدونه وهتلاقي خواطر كتير

حبيبة الروح يقول...

انا علقا اهه انا بقولك زعلانه عشان المدونه فيها خواطر كتير بس قديمه
دور فيها وانت تشوف كتير
هتلاقي اديك عرفت بقي مش توضح اكتر ماشي

إيناس حليم يقول...

هههههههههههههههههه
بجد نفس القصة ده حصلت قدام عيني
اسلوب سردك جميل جدا
ربنا يوفقك يا رب

ادم المصرى يقول...

واووو دى قصه حقيقيه بس تسدق بلله الاجمل من القصه دى اسلوبك فيها بجد كان رائع والقصه اكيد سعدتك لئنا جميله جدا دى كانت اول زيرتى ومش االاخيره ان شاء الله واتمنى زيرتك

ريكو يقول...

ما أروع الاحساس بالحب الافلاطونى الطاهر
ما أروع احساس الفتاة بانها مهرة تجرى ويجرى خلفها من تحب
ماأروع الاحساس والحوار والتجسيد!!!!
تحياتى الخالصة

كاتب مصري يقول...

حبيبة الروح..
ربنا يخليكي يارب اه هي قصة حقيقية..أنا على فكرة رجعت المدونة وفتشت ولقيت وهقرا بمخمخة بأه..ربنا يكرمك..ويوفقك..

MaNoOoSh...
صحيح استفزتني جملة متخلقش الي يعرف هما عاوزين ايه بس ربنا يكرمك انك عبرتيني وجيتي عندي..{بنا يخليكي..على فكرة بأه أنا هكثف أبحاثي لحد لما أكتشف عالمكم حاجة ورا حاجة وهأثبتلك إني اتخلقت أهو..تحيتي

Brave Heart...
أولا ربنا يخليكي
ثانيا يا ستي قولي اللهم صلي ع النبي..شفتي كلهم ستات وبنات الي بيعلقوا مع اني والله مكتبتش ع المدونة ممنوع دخول الرجال بس هو ده الي حصل على فكرة أنا مبسوط قوي بمتابعتك الدايمة لمدونتي بجد بفرح قوي لما ألاقي حد مهتم خاصة بأه لما يكون بوست واحد وبيتردد عليه أكتر من مرة..وفعلا اه أنا فاهمكم الحمد لله وفاهمكم صح وعارف أسرار كتير بتدور جواكوا أنا خبرة يا بنتي..يلا خير فلتي إنك مش في كليتي ههههه
والله مسميني في الكلية عندنا الي يعرفوني يعني مستشار عطفي..ههههههه
ربنا يكرمك..محمد رسول الله..

بسمة صلاح..
تقولي ايه بأه يا بسمة لازم اللف والدوران وتتعب الواد وراها وتعمل مش عاوزة..يلا خير الحمد لله ..شكرا على اهتمامك وزيارتك..تحياتي..


ro7...
ماشي يا ستي بجد شكرا ربنا يخليكي الجديد قريب قوي يوم الخميس الصبح إن شاء الله..
مودتي


ندا منير..
ياااه فينك وفين أراضيكي بقيلك فترة طويلة غايبة عن أرض مدونتي..حمدلله ع السلامة..
ربنا يكرمك ويوفقك..فعلا ده طبع البنات لو مش عاوزة متقولش لكن الي تعمل الحبتين دول يبقى جواها حاجة ومكسوفه..اسألي خبير..ههههه..تحياتي

أنا..
وأنا والله مش لاقي كلام أشكرك بيه ع المدح ده..بس كويس إن عجبك أسلوبي..نسخة كمان من الكتاب بتاعي الي لسة في علم الغيب ضمنت بيعها أهي..ههههه ربنا يكرمك يارب..تحيتي

norahaty...
فعلا على رأيك الي يصبر ينول وأهي فرجت من وسع الحمد لله..شكرا قوي ع الزيارة
تحيتي

smilyrose...
ربنا ييسرلك ويكتبلك الخير والي بتتمنيه يحصل يارب.. بجد شكرا مش عارف أقول ايه وأعمل ايه بس بجد بشكرك على زيارتك المستديمة للمدونة ويارب تدوم..تحيتي

شهرزاد..
هيا مش مغرورة بس كانت عاوزاه يحبها أكتر..هيا صارحته بكده وهو قالي قال عشان يتمسك بيها وميسيبهاش أبدا بتقول الي يجي بالسهل يروح بالسهل فعلا بس هيا زودتها جدا لدرجة انه كان هيصرف نظر عنها فعلا من كتر ما غلب ومفيش فايدة..
شكرا لزيارتك وتعليقك..تحيتي

ستيته حسب الله حمش
ربنا يخليكي ع الدعوة الحلوة دي.. هو فعلا الست مش بتكلم وده مش بس من مبدأ القوة لا قبل كده الحياء والخجل..كويس لحق نفسه..بس مش ملاحظة انها زودتها بردو..مودتي


حنان سعيد..
فرحتيني بزيارتك الي استنتها على فكرة فترة..ربنا يخليكي رأيك في كلامي عجبني جدا ..أقف أمامه صامتا وقفة احترام..وشكرا قوي ع الدعوة الحلوة دي بس ربنا يستجيب يارب..تحيتي


شمس النهار..
فعلا ده كان هيحصل لولا إنه قال يحاول بآخر سلاح معاه والحمد لله صاب..هو فيه أحسن من الصراحة..فرصة الحب بالذات مبتجيش بسهولة ويمكن متجيش للواحد غير مرة وحدة..ربنا يكرمك..مودتي


إيناس حليم..
هههههههه لتكوني انتي من صحبات أسماء وأنا معرفش..هههههه..ربنا يكرمك يارب وشكرا ع الزيارة ويارب متكونش الأخيرة..تحيتي..

آدم المصري..
ربنا يخليك..بجد شكرا كسرت حاجز الحريم الي مسيطر ع المدونة ده مع اني برحب بيهم طبعا وبفرح بوجودهم جدا ولو هما بس كفاية يعني بس بردو أنا راجل أحب أشوف حد زيي في المكان الي أنا فيه..طبعا هزورك..ربنا يكرمك ع المدح ده..تحيتي


شكرا لكم جميعا..بجد مش عارف أقولكم ايه..بس وعد مني إن القادم يكون أحلى وأجمل وتتابعوه بنفس الحيوية دي ويعجبكم كمان قوي..تحياتي الخاصة والخالصة للجميع زوار جدد وقدامى فكلكم أصحاب مكان..
أنتظركم دوما..

كاتب مصري يقول...

ريكو..
بجد شكرا على زيارتك..فرحتيني انك سبقتيني وجيتي قبل ما أجيلك..
كلامك صح دايما البنات بيحبوا يحسوا الإحساس ده هو إحساس حلو مفيش خلاف بس بشويش علينا حرام بأه احنا تعبنا من الجري وكعوبنا دابت..والله صاحبي ده كان هيصرف نظر بس ربنا ستر..مودتي لكي واسمحي لي بإضافة لينك مدونتك لدي في المفضلة بعد زيارتها حالا طبعا..
تحيتي

عاشقه الرومانسيه يقول...

جميل البوست يا هيما

عجبنى فعلا

واعجبت بطله قصتك ولم اتعجب من موقفها
فحقا ما قيل فى حقنا
( يتمنعن وهن الراغبات)

هذه هى حواء وربما يكون هذا سر عشق ادم لها!!!!!!!!!!!

تحياتى واحترامى الفائقين لاحساسك العالى

حتى تشرق الشمس يقول...

السلام عليكم ورحمة الله وبركاتة
جميلة القصة ما شاء الله على اسلوب حضرتك
بس مش دايما يتمنعن وهن الراغبات خباسة من البنات
لا
دا حياء وهو تاج على راس كل مسلمة والمفروض مسلم
وانا اوافق على رأى
ستيتة حسب الله الحمش
دمت بالف خير
وتقبل تحياتى على القصة الجميلة دى

*shosho* يقول...

إيه الإبداع دا
حلوة قوي الحكاية وطريقة كتابتك ليها مخلياها أحلى

************
ربنا يوفقك

تحياتي شوشو

كاتب مصري يقول...

عاشقة الرومانسية..
الله شكرا ع الدلع ده يا ستي ربنا يخليكي
فعلا طبيعة النفس البشرية تحب كشف الأسرار والأنثى كلها أسرار عشان كده بندوب احنا يارجالة فيكو طب انتوا بأه بتحبونا ليه أقصد ايه الأسباب الي تخلي بنوتة تحب شاب سؤال معرفش إجابته بصراحة جاوبيني انتي بأه ممكن..
مودتي

حتى تشرق الشمس..
في وفي أحيانا بيمنعهم الحياء الي هو تاج على روؤس المسلمين جميعا ده المفروض زي ما قلتي وأحيانا بيبقى دلع بأه وفرحة بالذات بأه وكلام من ده أحيانا ممكن يضيع الدنيا..
مودتي لكي أختي..

shosho
ربنا يخليكي دايما يترفعي معنوياتي قوي
تحياتي

مودتي للجميع

عاشقه الرومانسيه يقول...

اولا اسمك غالى عليا جدا
علشان كده قلت هيما

لالالالالا

ده اسم بابا

هههههههههه
اوعى تفهمنى غلط

اجاوبك بقى ياسيدى على سؤالك

"وده من وجهة نظرى الشخصيه"

السبب اللى يخلى بنت تحب راجل انه يعرف يحتويها ويحسسها بالامان

مهما كانت المراه صاحبة شخصيه قويه ولكنها فى النهايه حواء

ونقطةالضعف فى حواء أذنها

وبصراحه بقى عيب لما تسال سؤال زى ده ياراجل
انت مرجع فى الحاجات دى


لو كل الرجاله تحاول تتعب نفسها شويه وتفهم حوا

كنا عشنا فى هنا ونعيم وراحه بال

تحياتى

gana magde يقول...

ومن الحب ما أفقد المرأ عقله

معك حق فاكثير من الجنون يأتى نتيجة الحب بجنون

جميلة بجد

دمت متميز

تقبل تحياتى

كاتب مصري يقول...

gana magde
فعلا الحب مش بس بيجن ده بيضيع كل ذرة عقل وبيحط مكانها إحساس كبييير بعق عظيم جدا للشخص الي بنحبه..
الحب مزاج وإحساس بس مفيش فيه عقل خااالص ..
تحيتي وشكرا على زيارتك
أنتظرك دائما أختي الكريمة

جسر الى الحياة يقول...

لاء واضح انى ابخستك قدرك فى اخر بوست دا انت اديب كبير ونا مش عارفة
ربنا يحميك ويوفقك

 
') }else{document.write('') } }