من " تجربة حب "

لا تكاد الذكرى تترك قلبا خاليا .. لحظات ألم و لحظات فرح.. لحظات حب ولحظات جرح.. تترجم الأجفان هذه الذكرى دمعا والقلب في روحه أنين بوح..

لحن الموسيقى قد يكون دواء شافيا أو سيفا قاتلا.. عندما أستمع لصوتها العذب أتذكر حقا شتاء أحببت فيه وذقت طعما جديدا في بحر الحب.. وحينما أسمع صوتها عن بعد أتذكر حقا أن حياتها كما قالت لي لن تنتهي بعدي..

لست باحثا في دواخل القلوب عن رأفة أو شفقة بقلبي الذي تألم..لكن قلبا ما هو الذي جذبني إليه ليسقيني من عسله ورحيقه شراب الحب النقي البريء الطاهر.

خيبة الأمل ولو مرة واحدة تهدم صرحا بنته الأيام من الأحلام .. لن يعتدل للقلب حال بعدها سوى ببناء كامل مجهز من الحقيقة لا الخيال..

تيار الحب يمر عابرا على القلوب موجات قلب الأنثى اكثر التقاطا وأجود بثا عن قلب الرجل .. وعين الرجل وسيلة نقل قوية لإستلام إشارات التيار وحفظها في قلب لن يعرف القسوة بعدها ابدا.

لغة الحب ليست حروفا تكون كلمات..هي ذبذبات قلب تفيض سيلا من مشاعره تترجمها برودة الكيان وارتجاف اليدان ودمعات العينان.

بقية مشاعر الحب الندم.. وستار النهاية كلمات من قاموس القسوة لا يحتملها قلب عاشق.. ولا يسكن جراح الحب سواها.

إذا أوصد باب القلب عن الحب وأغمضت العين عن رؤية الجمال ..ينتهي بذلك عرض أبطال الرواية.. لن يلعب القلب دور البطل مرة أخرى أبدا.

الذكرى ناقوس معلق بالقلب لا يصدأ ولا يضعف صوته.. والأيام ليست كفيلة بالنسيان تأخذ القلب لألم آخر أو تتركه في وحل الماضي أبدا .

إذا شعرت الروح يوما بنسيان جرح كان .. فهي الذكرى تنادي ولا بد أن يصحو الجرح.

(هذه الكلمات من نص "تجربة حب" ضمن نصوص كتابي ووليدي الأدبي الأول قريبا بإذن الله)

22 التعليقات:

ستيته حسب الله الحمش يقول...

اول تعليق هع هع هع
كالعادة كلمات بسيطة والغريب فعلا يا ابراهيم لا تنضب عنك بئر الكلمات الجميلة"لكن قلبا ما هو الذي جذبني إليه ليسقيني من عسله ورحيقه شراب الحب النقي البريء الطاهر" بارك الله فيك واديني قاعدة مستنية الكتاب ربنا يوفقك في دراستك وموهبتك
تحياتي

فارس القمر يقول...

تجربه الحب

منا من يعيشها ومن من لايعرف ماهيا

الذكرى ناقوس يدق فى عالم النسيان

ماااجمل كلماتك الحب الجميل النقى الخالى من ملوثاته

دمت بخير

تحياتى

حنان الشافعي يقول...

ابراهيم
تفوقت علي نفسك في الموضوع ده
كلمات بسيطه وواضحه
ملخصه ومباشره
بتوصف الواقع بمنتهي الرقه
وصفك للحب وصف محب مجروح
وصفك للذكري قوي وكمان مواجه
مهما هربنا من كون الذكري لا تنسي
انت فكرتنا
اسلوبك اكتر من رائع المره دي
فيه فكر وتعمق في الاحساس
حسيت كأنك سبحت في بحور نفسك لاجل هذا المعني وتلك الصفات
منتظره الكتاب
دمت
بكل
موهبه
وخير
تحياتي
للقلم والمداد

nor يقول...

والأيام ليست كفيلة بالنسيان تأخذ القلب لألم آخر أو تتركه في وحل الماضي أبدا .
من اجمل الكلمات التي لمست قلبي
لان مهما مرت الايام لا ينسي القلب ابدا الحب
تحياتي لقلمك

brave heart يقول...

لغة الحب ليست حروفا تكون كلمات..هي ذبذبات قلب تفيض سيلا من مشاعره تترجمها برودة الكيان وارتجاف اليدان ودمعات العينان.
ايه ده يا ابراهيم
تحفة
انت اكيد حسيت عشان تقول

تحياتى يا كاتب ويا شاعر ويا فيلسوف
بجد
بجد
رائعه
دمت بود
وياريت تبص على تعليقى الى فى البوست الى فات انا علقت واحد كمان
اوكى


دمت بود

لا اله الا الله

brave heart يقول...

مستغنيه ايه يا ابنى
انت بتهزر
لأه طبعا مش مستغنيه
انا مقصدشى
انا بقول انى انا كمان كتبت بس
ايه
مكتبش يعنى
احرقها
ههههههههههههههههه
بجد بجد مش قصدى خالص
انت زعلت


؟؟؟؟؟؟؟!!!!!!!!!

smilyrose يقول...

اجمل شئ يا ابراهيم

انك تتعلم من تجربتك

وتخرج منها بفائدة تستكمل بها طريقك

وهذا ما نحسه معك

وفقك الله

smilyrose

روح الحب الصادق

ادم المصرى يقول...

بوست جميل جدا بجد

ما اجمل وصفك لحب وصف جميل وصف فى حاجه غريبه اظن انك انجرحت جامد جدا يصحبى بس معلش ولا يهمك واعى تنسى الحب ده لئن الحاجه الوحيده الجميله الى فيه انك انجرحت وعيش على امل يمان ومتيأس اهنيك اخى العزيز

عاشقه وغلبانه يقول...

كلمات وتعبيرات في منتهي الروعه
ماشاء الله علي احساسك
اتمني ليك التوفيق

gana magde يقول...

مبدئيا ربنا يوفقك فى كتابك الاول وان شاء الله يخرج الى النور قريبا

وانا معكفي اذا شعرت الروح يوما بنسيان جرح كان . . فهي الذكرى تنادى ولابد ان تصحو الجراح

فليس هناك شىء يموت كما يدعى البعض ولكن هناك ذلك الشىء الذى نجبر على تجاهل وجوده لدينا ونصنع من انفسنا صم حتى لانسمعه قد يكون قلب حب حزن

فى كلتا الاحوال لا ننساى شىء ابدا بل نتناسى

تحياتى

شهرزاد يقول...

ربما تكون تجارب الحب في حياتنا هي من اجمل وأقسى التجارب في وقت واحد

كما أن الجراح التي يتركها الحب فينا لا شفاء لها سوى البعد والزمن
ولكن أثره يظل محفورا فينا مهما طال الزمان

أبدعت في وصف تجربتك
ومبروك الكتاب
وتحياتي

كاتب مصري يقول...

ستيته حسب الله الحمش..
فرحت قوي لما لقيت تعليقك أول واحد..ربنا يخليكي يارب ما هو الي بيحب بيأه بحر الكلام عنده واسع ..إن شاء الله قريب هأقولك آخر أخبار الكتاب..
مودتي

فارس القمر..
ربنا يخليكي يا فارس بجد شرفتني يارب تفضل معايا كده علطول ترفع معنوياتي..
مودتي

حنان الشافعي..
شكرا قوي على رأيك وكلامك الحلو ده الحمد لله إني عجبتك المرادي بأسلوبي ده هتشتري الكتاب ماشي ههههههه توريطه يعني ..
مودتي

nor
فعلا مفيش حاجة نسيان لجرح ازاي يعني حد ينسى ان قلبه بيوجعه هو أنا لو اتعورت في صباعي تعويرة كبيرة والجرح لم بس ساب علامه لو عملت ايه العلامة هتفضل موجودة تفكرني بالتعويرة دي يبقى عمر الجرح ما يتنسي أبدا..
مودتي وشكرا على زيارتك وتعليقك ..أنتظرك دائما.. مودتي

brave heart
انتي يا بنتي فهمتيني غلط خالص والله ما زعلت ولا في حاجة تزعل ربنا يكرمك على اهتمامك وتعليقاتك الي بتفرحني وهتشتري الكتاب هتشتريه لما ينزل بإذن الله ..
مودتي لكي أختي الكريمة


smilyrose
ربنا يخليكي ياربشكرا على الزيارة..عاوز أقرالك بوست جديد بأه متتأخريش علينا..
مودتي

آدم المصري
ربنا يخليك انت كده بتحرجني بجد بتزورني وتعلقلي وأنا مش بزورك كتير والله بس كنت مشغول الفترة الي فاتت في الإمتحانات بس هتلاقيني عندك كتير الأيام الجاية بإذن الله..
مودتي

عاشقة وغلبانة..
أخيرا شرفتيني ربنا يكرمك يارب..شكرا على رأيك وتعليقك ويارب تكرريها..
مودتي

gana magde..
أيوة هو ده قصدي تمام احنا ممكن نتناسى لكن ننسى ألم مظنش نقدر..
مودتي..شكرا على ردك المطول عليا في مدونتك..بجد شكرا..هقولك لما الكتاب يشوف النور ..تحياتي لكي أختي..

شهرزاد..
تجربة الحب أكثر ما يؤرق القلب سواء كانت حلوة أو بائسة الحب أكثر ما يستهوي النفس..
شكرا على مرورك هقولك لما الكتاب يشوف النور بإذن الله...
مودتي..

تحياتي للجميع..أنتظركم دوما..
مودتي

عايش... ولكن !!!! يقول...

تعرف
انا كنت مفتقد قلمك جداااا
واحشنى والله
دائما يأخذنى قلمك لزكريات اجدها فى كتاباتك
انا هنتظر كتابك ان شاء الله

جسر الى الحياة يقول...

حلوة جدا بس لازم تقولنا اول ما الكتاب يبقى فى الاسواق... اتفقنا
وربنا يوفقك

brave heart يقول...

انا مش عايزة اقولك يا ابراهيم اد ايه انا مستنيه البوست ده على نارى



بجد
مستنياه جددا
رغم ناى عارفة انك هتنزله يومالجمعة
بس بردو
ههههههههههههه
بدخل كل شويه اشوف اسه الاخبار
ياله سلامات




بفكر انزل القه الى انا كتبتها عندى على المدونة
ايه رأيك
بس خايفة تلاقى انتقاد رهيب
لان دى تقريبا هتكون تانى او تالث قصة اكتبها على الاطلاق
مش عارفة
المهم بجد


انا مستنياها


وبعدين ايه يا ابراهيم
احنا اتفقنا انى مش هشترى الكتاب
انا الكتاب هاخدو منك
ولو معرفتش اجى حفل التوقيع
هتبعتهولى فى البوسته
ماشى


ههههههههههههههه


مودتى
سلام

عاشقه الرومانسيه يقول...

بوست جميل يافنان واحساس عالى جدا
مبروك مقدما على الكتاب
واعمل حسابى فى نسخه عليها توقيع

بالتوفيق ان شاء الله

تحيـــــاتـى

شمس النهار يقول...

انت فعلا هتطبع كتاب اخيرا
خبر جميل
انت تستاهل اكتر من كتاب ينطبع
ربنا يوفقك

zainab يقول...

السلام عليكم

كلمات جميله و معبرة

و عجبنى قوى " لا تكاد الذكرى تترك قلبا خاليا .. لحظات ألم و لحظات فرح.. لحظات حب ولحظات جرح.. تترجم الأجفان هذه الذكرى دمعا والقلب في روحه أنين بوح."

و أيضا " والأيام ليست كفيلة بالنسيان تأخذ القلب لألم آخر أو تتركه في وحل الماضي أبدا . إذا شعرت الروح يوما بنسيان جرح كان .. فهي الذكرى تنادي ولا بد أن يصحو الجرح"

تحياتى

ريكو يقول...

السلام عليكم
أولا البوست هايل كالعادة
ثانيا بالنسبة للخطأ المطبعى اللى حصل
دة بصراحة نتج عن جهل سنة اولى تدوين
أنا كنت باحاول اضيف لينك مدونتك للمدونة بتاعتى
فلاقيتها ظهرتلي كعنوان بوست عندى
وطبعا لاغيتها فى الحال
فعذرا لجهل سنة اولى تدوين
تحياتى

بـسـمـــة صـــــلاح يقول...

التعليق العشرين..
التجارب أكبر درس في الحياة إنت بإبداعك الساحر بتستوحي من التجارب كلمات من أرق وأصدق مايكون
وبجد كلماتك بتمس الإحساس أوي
وتشبيهاتك تثير الذهن وتجعل الفكرة حاضرة

ونصيحة مني كأخت
متكتبش أي حاجة تاني من اللي هيكون في الكتاب عشان متحرقهوش علينا
وربنا يوفقك ويسدد خطاك

دمت كما تحب
تحيــــــــاتي(:
بسمــــة

أنــا يقول...

رائع بجد .. أنا نفسي أعرف ازاي بتعرف كل دا ..
ازاي قادر تفهم كل دا ..
بجد ماشاء الله عليك..
موضوع اكتر من رائع .. حساه زي مايكون ترجمه لأحاسيس كتير مريت بيها ..
انت بتعرف تقرانا من جوة .. ومش اي حد يقدر يعمل كدا ..
ربنا يباركلك في كلماتك .. وفي ابداعك ... وفي احساسك ..
بجد بتمنالك التوفيق في حياتك ..
تحياتي يا فنان..

كاتب مصري يقول...

عايش ولكن..
شكرا بجد على كلامك وحمد لله ع السلامة عودا حميدا..لما ينزل الكتاب اكيد هقولك..
مودتي وشكرا كمان مرة..

جسر إلى الحياة..
طبعا اتفقنا ما انتي هتشتري نسخة ويمكن تقولي لحبايبك ومعارفك وتنفعوني ههههههه
مودتي..

brave heart
الحكاية بقت جاهزة وتحت ايدك يا ستي ربنا يكرمك يارب ويارب تعجبك سميتها لعنة الحب لإنها فعلا مأساة بالنسبة للكتاب قولي يارب يخلص بسرعة ونتفاهم وقتها ع النسخة بتاعتك.. مودتي

عاشقة الرومانسية..
ربنا يخليكي ياستي طبعا بس ده معناه إنك هتيجي حفل التوقيع عشان تاخدي نسختك..وهعملك خصم..هههه..مودتي

شمس النهار..
ربنا يخليكي بس يارب اتوفق فيه ويعجبكم ومتكونش الخطوة دي خطوة متسرعة كعادتي في حياتي كلها..هستناكي في حفل التوقيع جهزي نفسك من دلوقتي..مودتي

zainab
ربنا يخليكي يارب بجد رفعتي روحي المعنوية..يارب تيجي هنا تاني مش مرة وتقطعي..
مودتي

ريكو..
ربنا يخليكي يا ستي وشكرا على التوضيح..يارب يكون كلامي بيعجبك فعلا مش مجاملة..
مودتي

بسمة صلاح..
بجد أخرستي لساني من كلامك ده..ربنا يخليكي وتفضلي تيجي هنا علطول..والكتب بإذن الله هيعجبك ويكون فيه حجات كتير جديدة غير المعروض ع المدونة بس ده من باب التشويق سياسة تسويق وتجارة يعني ههههههههه..بهزر طبعا أنا مش عامل الكتاب عشان استرزق منه خالص..
مودتي

أنـا..
أقولك بعرف أقراكو ازاي وافهم الي جواكم ازاي... لا مش هقول سر المهنة..هههه يا ستي أنا نفسي معرفش أنا بس مريت بكام تجربة علمتني حجات كتير بس مش عارف ليه بعرف اقرا الي جواكم بالطريقة دي الحمد لله نعمة بجد كتير علقولي مع اني مش شايف إني ضليع قوي كده في الحكاية دي واحد صاحبي بيقولي يا سارق قلوب العذارى ده اسمي عنده بيقولي انت بتعمل كده ازاي مع اني والله مش بعمل حاجة غير اني الي بشوفه وأحسه بقوله..
مودتي ويارب تفضلي تيجي هنا علطول,,


مودتي للجميع

 
') }else{document.write('') } }