ســــهـــــ(تتمة)ــــــــام...

قرعت تلك الكلمات سمع سهام كما الرصاصات تخترق القلب..لم تصدق نفسها..كيف سكتت..كيف أعلنت سماحها له مباشرة أهي ضعيفة أم عاشقة..؟ أم أنه ضعف الحب الذي يذهب بأكثر الحقوق فقط من أجل الخوف على المعشوق.. لم يغمض لها جفن ولم يرتح لها بال..ظلت تتنهد وتحترق ألما ثم يسدل الدمع ستاره ليظلل تلك الآلام..

دون تفكير أو تدبير ليومها قامت فارتدت ملابسها..كالعادة إلى الجامعة..لا ترى أمامها غير صورته.. تتخيل شبحا لتلك التي قص لها حكايتها معه ليلة البارحة.. ووصلت أخيرا.. رأتها صديقتها عن بعد.. جاءت تسلم وتسألها ماذا دعاها للخروج بهذه الطريقة يوم أمس .. لكنها رأت في عينها بحرا من الدموع يخفي وراءه وجها غرق في الألم والبؤس..

ما الذي حدث يا سهام؟ ما بك؟ كأنها كانت تنتظر أن سيألها أحد عن حالها؟ ارتمت في أحضان صديقتها وراحت تبكي دون أن تتكلم.. شعرت صديقتها أن الأمر أكبر من كونه خلاف كما كانت تقول لها دائما.. أخذتها وراحتا إلى الكافتيريا العامة .. جلستا.. أحضرت لها بعض أوراق المناديل و كوبا من عصير الليمون ..لن نتكلم قبل أن تهدئي وتمسحي هذه الدموع.. نظرت إليها سهام بعين حزينة وكأنها تقول..أهدأ وكيف ذلك..أتدري ماذا حدث؟

فهمتها رويدا فهي صديقتها منذ الطفولة.. لم تعقب وتركتها حتى هدأت من تلك الرعشة التي كانت تنفض جسدها..

والآن تكلمي وقصي علي ولكن دون أي تنهيدات وبكاء اتركينا من الموسيقى التصويرية الآن..تبسمت سهام من هذا التعبير ابتسامة مسمومة..ثم بدأت تحكي ما جرى كما حكاه إياد لها.. وتلك تستمع ولا تصدق أن يكون هذا من قلب يحب؟ شردت بخيالها مع مؤيد من تحبه هي..تخيلت بكل سذاجة العشاق أنه من الممكن أن يفعل كما فعل إيدا للتشابه بين الإسمين..أو لأنه رجل..كما جال بخاطرها.. ثم تبسمت ابتسامة صامته وهي تسمع لسهام..فسكتت سهام وقامت ذاهبة.. مابك سهام؟ أنا احترق وأنت تبتسمين.. معذرة تذكرت شيئا بعيدا عما تقولي.. أكملي..

واصلتا الحديث.. وبعدما أنهت كلامها بدأت رويدا في محاولة تهدئتها وإقناعها أنه من المستحيل أن يكون بقلبه ذرة حب لها.. وبدأت تشكك لها في صدق حكايته وأن هناك ضلعا ناقصا لتكتمل هذه الحكاية..لم تصدق سهام أن يكون إياد هكذا.. ارتكنت على تلك الطاولة أمامها..وشرد ذهنها قليلا..وفجأة ودعت رويدا وقامت ذاهبة بسرعة.. إلى أين سهام؟

استقلت سيارة أجرة.. يالله هي نفس تلك السيارة التي أخذتها البارحة.. تكلم السائق..نفس المكان يا فندم.. تعجبت من هذه المصادفة..نعم..وبسرعة.. دار ذهنها طيلة الطريق..أسأفعلها هذه المرة..هل سأستطيع إعلانها ..نعم سأفعل ليست أول مرة يجرحني ثم إن كرامتي ..أية كرامة هذه ..الآن تذكرت كرامتي..أخذت تدعو أن يعينها الله على هذا الموقف..ووصلت أخيرا للعيادة..

دخلت على الممرضة..أخبرتها أن إيادا وحده ليس معه أحد يمكنك الدخول.. لا لست هنا من أجل إياد.. أنا آتية لك أنت.. ماذا تريدين سيدتي بم أستطيع خدمتك؟ هل من المعقول أن يذهب طبيب لكشف منزلي دون أن يأخذ مساعده ..؟ لم السؤال؟ لا شيء ولكني أسأل فقط من أجل إياد كيف يتصرف وحده..؟ لا اعرف لكنه اعتاد هذا وأنا اعتدته من يوم أتيت هذه العيادة..أبدا لم يأخذني معه.. تأوهت سهام ثم تابعت.. ومتى يكون كشفه المنزلي..؟ تقريبا بشكل يومي بداية الليل أو آخره.. ولكني أظنه كشفا مجزيا لدرجة أنه يترك مرضى كثر في العيادة من أجله.. صعقت سهام من تلك الكلمات الأخيرة.. يوميا وليلا ويترك من أجله مرضى كثير..

عندها كان إياد خارجا من غرفته وبيده حقيبته.. رآها ..أهلا سهام – بوجه حزين- , تكلمت بتهكم ولهجة تملأها الآلام ..كشف منزلي..صباحي.. ربما تكون المواعيد قد تغيرت يا..., ثم خلعت محبس الخطوبة من يدها وتركته على طاولة الممرضة وخرجت تبكي..

كان هذا مع دخول رانيا بمنظر مريب..دون قصد من سهام تعثرت بكتفها..ثم نظرتا سويا في وجه بعضهما..تعجبت سهام منها..لم أتيت هنا..سألتها بعينها..وهي الأخرى سألتها.. هي صديقتها..منذ زمن لم ترها.. يبدو أن الصورة اتضحت وصارت جلية للرؤية المجردة.. عرفت إجابتها من هيئتها ونظرتها..تابعت وخرجت تلعن يوماعرفت فيه إيادا وتقسم أن تقتل قلبها بيدها..

تمت

18 التعليقات:

fnoonh يقول...

قصة متكررة ونهايتها حقيقية وواقعية ولا يوجد غير هذه النهاية ولو اي فتاه لفعلت مثلها
ولكن هذا لا يعني ان جميع الرجال بهذه الوقاحة هناك كثير مخلصون ولكن يجب عليها ان تختار جيدا
تقبل اول تعليق منى

*** حور- نور*** يقول...

قصة جميلة ومتكررة وياريت البنات بيتعظوا لكن للأسف
انا مش عارفة ازاى ولد يعرف اتنين مرة واحدة طيب نفترض انة خارج مع واحدة وقابل التانية يبقى موقفة ايه
نصيحة لكل فتاة:
لا تسلمى قلبك لرجل الا بعد الزواج

شكرا انك شرفت مدونتى بجد انا فرحت جدا
كل سنة وانت طيب

آخر العنقود يقول...

ده ايه البشاعة دى

معقول فى كده ؟؟
اكاد اصدم كل يوم من حقيقة الواقع المؤلم

طب تفتكر ليه عمل كده ؟؟
ايه اللى يخلى انسان يضحى بحب انسانة بتعشقه بهذا الشكل ؟؟
وليه فكرة الخيانة بقت سهلة كده على الناس؟؟
ليه بقى سهل علينا ومش فارقة معنا جرح قلوب مالهاش اى ذنب غير انها حبيتنا وبصدق؟؟
طب وليه بقى كدب عليها وعمل افلام وحواديت ؟؟
مادام مش بيحبها يقولها على الاقل يكون فى نظرة احترام لبعض

لكن بجد لييييييييييييييييييييه الحواديت اللى بتتعمل والتى تكاد لايصدقها عاقل ؟؟

اسئلة كتير موجودة
ولكن تبقى القصة واقعية كما يقول البعض والواقع أمر

ربنا يعافينا ياااااااارب
تحياتى لقلمك والقصة الؤلمة دى

Foxology يقول...

الخيانة .. امر مكرر لكنه غير مشروع !

القصة تقريبا مكررة مفيش جديد لكن جلد الذات كتير وواقعى

تحياتى :)

Kiara يقول...

عاااااااااادي

كل حاجه بقت عادي

الجرح عادي

الغدر عادي

بصراحه لا تعليق :(((((

رندا يقول...

مع الاسفــ الحبــ اعمى حقاً ويتضح لنا الحقيقة بعد صراع نازفــ فى القلب
ولكن يكفي ان سهام علمتــ بالحقيقة فى وقت ليس متاخير
احياناً نظل مخدوعين فتراتــ طويلة ويضيع العمر فى زيفــ حبــ ولكن يتضح الحقيقة فى النهاية ونقول بعدها وضاع العمر فى قلبـ الزيفـ
لو بنحكم العقل قبل القلبـ سوف يتضح لنا كل الحقائق
اسلوبكـ جميل وسلس جداً كما عاهدتكـ حقاً تلك نهاية طبيعية ولكن يكفينى اسلوبكـ الراقى الجميل انتظركـ دائماً هنا فى قصة جديدة واعرف انها سوفــ تنال اعجابى ايضاً :)

القصصى الرائع
لك منى كل التقدير والاحترام

رندا يقول...

ارجوا ان تسمح لى بتعليق آخر :)

هذة القصة يتخللها عبرة للجميع

لانها بمثابة جرس انزار للذى يمشى وراء قلبة فقط

:)

GiGi world يقول...

ليه مابقتش تكتب عن غزه
بلاش ننسى بسرعه وحياتنا تمشي عادي
من ليها غيرنا
لانى بحترمك جدا بقولك كده
ياريت متزعلش منى

انسانةعادية فى عالم مش عادى يقول...

مش معقول فى واحدة بالسذاجة دى الخيانة ذنب لا يغتفر ازاى تسامحه لحظة
بس اخيرا عرفت الحقيقة اسلوبك ممتاز جدا ربنا يوفقك

وردشان smilyrose يقول...

ياااااااااااااااااااه على الغدر

بكل سذاجة كنت بتمنى تبقى نهاية

سعيدة يمكن لانى بعانى من حاجه شبيه

بكدا وكنت بحلم ان دا يتغير

ويعود الحلم من تانى والقلب يفرح

بحبيبه بس يا خساره شكلها كلها خيانه

وغدر لنا الله

smilyrose

روح الحب الصادق

شهرزاد يقول...

كم هو مؤلم أن نقتل قلوبنا بعد أن نعذبها بحب لا يرضي عقلنا ولا يغذي روحنا..
ولكن الزمن كفيل بشفاء جراحنا
نعم قد يطول الوقت ولكنها تجربة تخرجنا أقوى وأصلب من قبل لنعرف أن قلوبنا أثمن من أن نهديها لمن لا يستحق

قصة واقعية واسلوب سلس معبر
تحيتي

غير معرف يقول...

غزة في حاجة الينا يااخي العزيز هذه ليست ايام الكلام عن الحب والخيانة واخواننا واطفالنا ونساؤنا في غزة يموتون ويذبحون من ايد غادرة لا تعرف الرحمة
حقا ما اقصى قلوبنا
لابد ان نعيش معهم حتى ولو بتفكيرنا فقط
دمت بخير
اخوك في الله علي

حبيبة الروح يقول...

بصراحه انت كاتب مبدع فعلا
قصه جميله جدا
ومشوقه جدا
وبجد بجد تحفه جدا
ايه كميه الجدا دي
بس بجد تستاهلها
ما شاء الله عليك بجد
مستنيه قصص كتير اوي اوي متابعه ديما باذن الله

mera يقول...

السلام عليكم

ازيك,,,طبعا مش عاوزه اقولك ان القصه تحفه اسلوبك جميل ويشد ..يشد قوى

انت مافكرتش انت تنشر..فى اى دار نشر خاص,,,عامه انا مش على علم بالمجال ده ...لكن اسلوبك بصراحه يستحق النشر فى رويات او قصص قصيره..

اه على فكره انا مش من الناس اللى احب اقرى قصص..لكن اسلوبك شدنى من اولها علشان اقراها واكملها للاخر زى بالظبط التلفزيون الممل اللى مشغله ومش بتتفرج عليه اه اى دوشه وخلاص وفجأه يجى اعلان يخليك تنتبهله ميه فى ميه...انت كنت الاعلان ده,,,واعتقد ان دى من اهم موقومات الكاتب وانت الحمد لله عندك...حاول بجد لو جالتك فرصه انشر قصص ليك...

__________________
ملحوظه انا مافهمتش بس مالها رانيا ياترى هيه كمان مرتبطه باياد..وبيضحك عليها هيه كمان

اختك ميرا المصريه

Unknown يقول...

فنونة..
شكرا لمرورك..

سحر-حور-نور..
بتحصل كتير الواحد يعرف واحدة واتنين ويمكن تلاتة على فكرة مش كل الرجالة زي بعضها وبعدين أنا ممكن أحب وحدة بس بس أعرف أكتر من وحدة كزمالة أو صداقة..ينفع مش كده بس انتوا مش بترضوا ممكن نبقى نضحى ونكتفي بوحدة...ههههههه
مودتي

آخر العنقود..
في ناس بتحب تلعب وتتسلى ويقلك تلات اربع عصافير في ايدي وواحدة ع الشجرة بكرة أسيبهم وأروحلها ع الشجرة يعني لكن الناس مش كلها كده..وأخينا ده حب يدلع نفسه بس يا عيني هيا حبته قوي..تعرفي ان الحكاية دي واقعية بس أنا لعبت فيها شوية وكتبتها بأسلوبي..
يلا خير خير
مودتي

فوكس لوجي
مكررة اه بس بتحصل علطووووووول ووجب التنبيه
مودتي

كيارا..
اه فعلا معتش فيه مبادئ في الحب..والله أنا بفرح لما آلاقي تعليقك هنا يا ريت متبخليش عليا بيه..هستنتاكي..
مودتي

رندا..
بجد شكرا على كلامك الحلو ده ربنا يخليكي والله انت من الناس الي بستنى تعليقهم دايما وكنت هأزعل قوي لو معلقتيش ع الجزء ده من الحكاية.. ادعيلي بأه أصلي بجمع كتابات قصص وخواطر ليا غير الي ع المدونة عشان هأنزل كتاب صغنون كمجموعة أدبية أولى ليا السنادي..قولي يارب
مودتي

GiGi
ربنا يكرمك ع التنبيه ده والتدوينة الجية قصة لها علاقة بغزة طبعا
شرفتيني جدا ونوريني علطول لو ده ميزعجكيش..
تحياتي الخاصة

انسانة عادية في عالم مش عادي
بتحصل والله لما الواحدة تحب قوي قوي بتتعمي عن كل الي في حبيبها من عيوب بس مش كل البنات في بنات بتدوس على قلبها لو شمت ريحة خيانة حتى لو الريحة جية من عند الجيران..اسأليني أنا ما أنا مجرب بس والله مكنتش الريحة من عندي.. ههههههههههه بجد فرحت بزيارتك ويارب تكرريها عشان افرح علطول..
مودتي

smilyrose
بجد مش عارف أقولك ايه زعلت ان النهاية تعبتك بس الحكاية دي حصلت فعلا وأنا كتبتها بطريقتي مع ابتداع المواقف لإني معرفهاش بتفاصيل.. ربنا يكرمك انك متبعاني ويارب المتابعة دي تبقى مستمرة..
مودتي لكي

شهرزاد..
الزمن كفيل بكل شيء حتى بفناء العمر
ربنا يكرمك على فكرة كلمة في سرك بدون ما حد يسمع فرحت جدا لما لقيتك معلقة عندي من زماااااااااان مجيتيش..
مودتي

غير معرف(علي)
أنا كلي لغزة ولكن هذه القصص ليست للتسلية اكثر ما هي للتوعية
ربنا يكرمك ع التنبيه
مودتي

حبيبة الروح..
شكرا ع الكلام الحو ده يعني أنا مستحقوش قوي يعني بس ربنا يخليكي وتبقي من زواري علطول طالما حبيتي كلامي وعجبك..
مودتي

mera
فكرت في النشر بس لسا ملقيتش بإذن الله السنادي في 2009 يعني هتقريلي كتاب مطبوع بس هتشتريه أهو أنا بقولك أهوه وتسوقيله عند اصحابك ولك الحلاوة ههههههههههه ربنا يكرمك والله بفرح لما ألاقي حد مهتم زيك كده بس متبقيش تغيبي عليا..هستناكي دايما..
مودتي

كل سنة وانتم جميعا طيبين وبخير الكلام الي فوق والله مش مجاملة لأي حد أو نفاق لا وربنا شاهد أنا بفرح بزيارتكم قوي قوي ورأيكم مهما كان

سؤال بأه يا جماعة محدش يعرف أخبار سنووايت ايه بقلها زمان غايبة عارف عندها امتحانات بس عاوزين نطمن ربنا يوفقها عموما والي يعرف يبلغا سلامي ودائي لها بالتوفيق يبقى ربنا يجزيه الخير..
سلام بأه عشان قرفتكم طبعا..ألقاكم في البوست القادم

بـسـمـــة صـــــلاح يقول...

السلام عليكم
معلش أتأخرت في الرد يامستر
.....
أنا بجد مش عارفه أقول
كل الكلام اتقال
بس القصه مدمرة أوي
هما كانوا مخطوبين كمان
....

وفعلا عندهم حق اللي قالوا ان اسلوبك رائع جدا
يارب تكون كاتب مشهور ومحبوب
امين
تقبل مروري
دمت بكل ود
تحيــــــاتي:)

شمس النهار يقول...

اسلوب القصه طبعا لطيف وكالعاده معبر جدا
بس الخيانه هنا مره قوي
حسيت انك مااخدتش وديت فيها كتير
كانت عايزه وصف اطول مش عارفه ممكن اكون غلط
ويمكن كنت عايزه اواسي سهام مش عارفه
المهم ان القصه حلوه قوي قوي

رندا يقول...

ادعيلي بأه أصلي بجمع كتابات قصص وخواطر ليا غير الي ع المدونة عشان هأنزل كتاب صغنون كمجموعة أدبية أولى ليا السنادي..قولي يارب

**

بالتوفيق ان شاء الله بس ياريت تبقى تبلغنى اول لما ينزل علشان اشترية فورا واتمنى انة ينزل فى مكتبات قريبة مش بعيدة

دعواتى ليك من كل قلبى

اعانك الله واصلح من احوالك

انت تستاهل كل خير
مش قلت ليك القصصى المبدع
كانت بشرة خير عليك
يبقى اول نسخة ليا اصل اكيد فى نسخ كتير هتطب بقى :)
ربنا معاك

 
') }else{document.write('') } }