دمعات في عين بريئة

لا يحق لأي إنسان أن يغيب عن أحبابه مهما كان..إلا في ظروف قهرية تمنعه عنهم..هذا ما أقوله أنا دوما وهذا ما أقتنع به تماما وأؤمن به.. لذلك لن أبتعد عنكم أبدا مهما كان فأنتم أهلي وخاصتي الذين منحوني الثقة في النفس بدرجة عالية..أنتم من جعلني أبقي هذه المدونة على قيد الحياة واساعدها كي تلد وليدتاها أوراق وأسرار ومقهى الثرثرة..وإ كانتا لا ترقيان لمستواها أبدا..

جئت اليوم أخبركم بأمر أسعدني كثيرا لكنه جعل الحزن يدب كذلك في قلبي ويأكل في أحشائي.. سأعود إلى حيث كنت قبل احد عشر شهرا..إلى المدينة المنورة ..إلى أرض الحجاز المباركة الطيبة.. إلى الأرض التي تحتضن في ثراها خير خلق الله ونور الرسالة والهداية.. لكن الذي جعل الحزن يضاجعني هو فراقي لأصدقائي وزملائي في الدراسة أو في الحي ..لكن في التدوين لن يحدث هذا أبدا..لماذا ؟ لأني سأتابع هذه المدونة ومدوناتكم حيث أكون متواجدا وسأوافيكم بموضوعات وقصص من إنتاجي بإستمرار ..لن أطيل في هذه الرحلة..ربما تكون المرة الأخيرة التي أذهب فيها إلى هناك..أخبرتني أمي أن أبي سينهي إقامتي هذه المرة خوفا من بضعة أمور ومشكلات .. لذلك سأعوا لكم جميعا..لكل من أعرف منكم ومن لا أعرف.. سأدعوا لمن أتذكره باسمه أو بكنيته المستعاره..صاحبة مدونة أليس في بلادي العجائب.. لن أنساكي من الدعاء بكثرة أن يفرج الله همك ويشفي لك سيفا العزيز على قلبك..لا أريد أن أذكر اسماء بعينها كي لا أنسى أحد لكن هذه التي ذكرت قد وعدتها بهذا وها أنذا سأوفي بوعدي..

دعواتكم ودائما سأكون معكم على تواصل.. بكل دمعات بريئة أقول لك يا مصر سأحن لأرضك وترابك..لنيلك وهوائك..لأهلك وناسك..ليس لأن هذا كله على خير حال ..ولكن لأنني عشقته وتعودته دون أن أشعر بنفسي... لكن أرض المدينة خير أرض داستها قدم الحبيب المصطفى..سأدعوا الله لك يامصر وانا متعلق بأستار الكعبة في مكة..عل الله يفرج عنك الكروب ويوسع لأهلك معايشهم ويعود زمن عمرو بن العاص وحكمه إليك.. أستودعكم الله

22 التعليقات:

شمس النهار يقول...

اقدر ما انت فيه الان عشان انا جربت الغربه وكيف تؤخذ من بين اصدقءك
وجيرانك واهلك وتذهب الي بلد اخر
بس انت رايح مكان جميل ومقدس
تتوق قلوب وعقول وابصار الناس اليه
وخصوصا ان الحج قرب وعمرة رمضان خلصت وهتلاقي الدنيا فاضيه هناك دلوقتي وهتقدر تستمتع بالعباده وروحك تركز مع الموقف لأن الزحمه بتشتت الروح عن التركيز في روحانيات المكان
وبعدين سنتواصل عبر النت معك
واكيد المكان هناك هيوحي لك بقصص ابداعيه اكتر كمان وكمان
ربنايوفقك وترجع بالسلامه

أكون أو لا أكون يقول...

في أمان الله ورعايته... طبعا سنيقى على تواصل بإذن الله تعالى...
ووفقك الله ويسر لك أمورك وأسعدك أينما كنت...

والغربه ليست غربة المكان... بل هي غربة الارواح...

رحــــيـل يقول...

تروح وتيجى بالف سلامه

وان شاء الله تكون بينا الغائب الحاضر بوجودك المتميز فى عالم التدوين

ربنا يوفقك يارب

محمد فاروق الشاذلى يقول...

قربك من مسجد الرسول عوض كافى عن كل البشر
وإن شاء الله تروح وترجع بالسلامة

أميرة يقول...

مش عارفة اقولك ايه يا ابراهيم

الله يتقبل منك يارب

انا مش قادرة اقولك مش هوصيك بالدعاء.. انت عارف طلبي اكيد و بتمني ربنا يتقبل منك ومنا جميعا يارب

ادعي لسيف اد ما ربنا يقدرك وان شاء الله ربنا يستجيب و ترجعوا جميعا بالسلامة والعافية يارب

خد بالك من نفسك و السلام امانة لرسول الله .. سلم عليه مرة مني ومرة من سيف .. قوله السلام عليك يا رسول الله .. الله اعلم بقلب بيحبك و تهفو نفسه لزيارتك بس قدر الله وما شاء فعل

قادر يا ربي علي كل شيء

الله معك يا ابراهيم

mahasen saber يقول...

اى مكان فيه غربه الا الاماكن المقدسه دى فيها قربه مش غربه...
ربنا يكرمك ويصلح حالك
..بس قولى نيكول كيدمان بتعمل ايه فى المدونه وهيا لابسه نظاره كده...الصوره اليى فوق فى المدونه..

mohamed ghalia يقول...

إن شاء الله نشوفك على خير وترجعى بالسلامة
فى إنتظارك دائما
دعواتك
تحياتى

ندا منير يقول...

بجد انا فرحنالك جدا جدا اصلى بحب المدينة المنورة جدا ونفسى اعيش فيها
انت ليه مضايق
او زعلان
عشان اصحابك وكدة
عادى ممكن تبقوا على اتصال على النت
لكن بجد يا بختك انك هتروح هناك
ربنا يوفقك يارب

سنووايت يقول...

كاتب مصري

اولا باعتذر عن تاخري في زيارة المدونة وهو تاخر في زيارة جميع المدونات لظروف معينة مررت بها وامر بها ومنها ان امتحاناتي لاخر العام في نهاية شهر نوفمبر ان شاء الله وحاليا باقضي فترة عقوبة بين احضان كتب الجراحة والنسا والولادة , فارجو تقبل العذر

قرات موضوع البحر واخذتني لعالم احبه كثيرا , شكرا علي الموضوع الجميل

دمعات في عين بريئة .. استوقفني العنوان وتوقعت ان تكون قصة من قصصك الشيقة ولكني اكتشفت انه خبر , اتمني لك سفر موفق سعيد وعود حميد ان شاء الله
ولا تنساني من دعائك في الامتحانات والدعاء لوالدي بالشفاء ولك مثله ان شاء الله

ساحاول المتابعه والزيارة وارجو انك تظل علي تواصل في فترة غيابك ولو حتي بموضوعات بسيطة

تمنياتي بسفر موفق وان شاء الله ترجع بالسلامة

رحيق الحياة يقول...

آآسفة جدا علي تأخيري

حاسه بيك و بما تشعره عند الفراق و لكن بعد هذا الفراق سيكون هناك لقاء فلا تحزن فإنك في القلب و ستكون معهم كل الأوقات

و لا تغب عنا نحن أيضا و كلما أردت أن تفضفض نحن هنا

إدعو لنا و لا تنسانا

تحياتي

رغدة

ايام العمر يقول...

يارب تروح وترجع بالسلامة
وياريت متنسناش بالدعاء

شهرزاد يقول...

ربنا يبعد عن عينك الدموع
وإن شاء الله ستكون سفرة موفقة
ولا تنسانا من دعائك
في رعاية الله
وتحياتي لك

"عبير النجار "نيجار يقول...

أولا تروح وترجع بألف سلامه
بس عارف اول واخر مره بكيت علشان فارقت مكان كان لما سبت المدينه المنوره بلد اجدادي والله كإني سبت روحي هناك ياريت ما تنسانيش بالدعاء معاك وربنا يكرمك ،
ويرجعك لينا بالسلامه
تحياتي ليك

son's egypt يقول...

السلام عليكم
ساعات بيكون الفراق او البعد فعلا بتكون لظروف خارجةعن ارادة الواحد
ولكن ربنا يوفقك في ارض الحجاز وترجع تاني لاصحابك والحي

كراكيب يقول...

ايه داااااااه
يعني انا داخله اسلم عليك بعد اللي كان عامله فينا الكمبيوتر الاقيك ماشي

استنى هنا اوعى تكون مشيت اوعى
هاااااا
اقف مكانك يا ولد مش بكلمك انا واللا ايه

اولا ازيك
ثانيا ازيك تاني
ثالثا بقى يا سيدي يابخنك جدا على فكرة ويارب تروحج وترجع بالسلامة
واوعى تتقطع عن بلوجك انا بقولك اهو
و ترجع بالف خير وسلامة يا كاتب يا مصري

miro el niro kwaniro

ياقوت الأزهري يقول...

انت تدعوا لنا

يابرق قبل وصولنا لطيبة

بلغ سلام العاشقين معطرا



واوصف لهم حالى وطول تلهف
ومدامعى تجرى عقيقا أحمرا

أميرة يقول...

ازيك يا ابراهيم

ان شاء الله ترجع بالسلامة و تطمنا علي احوالك

وميــــض أمــــل يقول...

ان شاء الله ترجع بالسلامه

وربنا يهون عليك الغربة

ومع ان فى ناس بتحسدك على المكان اللى انت رايحه لكن انا مقدره الغربه اللى هتكون فيها

ربنا معاك
ومتتأخرش علينا

شفـقــة و إحســــان يقول...

يا بختك يا عم بس بقولك ايه اوعى تنسانى من الدعاء
ادعيلنا وادعى لكل الناس
ويارب ترجع بالف سلامة

أحساس لسه حى ...أنا مش موافق يقول...

عزيزى

اه مش من حق حد يمشى ويبعد كده عن حد بيحبه من غير ما اقل شئ يقوله ويفهمه ويعرفه الاسباب

لاكن للاسف فى ناس مش بتقدر وبتعرف ان فى غيرها بيقلق على اى حد بيحيبه وبيفضل مش مرتاح الا لما يطمن عليه

وكويس انك رايح الاراضى المقدسة

علشان فيها البركة والخير اللى ممكن ينور قلوبنا لما انطفئ او قل نورها

ادعلنا

سلام

Unknown يقول...

ماشاء الله
ربنا يوفقك مبروك
على فكرة دا من اجمل الرحلات اللى ممكن الانسان يعملها لانها بمثابة تطهير للنفس
واعادة تنقية وصفاء للروح
الله معك

Unknown يقول...

يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
اعتذر لكنه ليس اعلان لكنها دعوه للخير

 
') }else{document.write('') } }