لائحة ..قـبـل أن تـلـج البـاب

تحديث..

بعد أن خطت يدي هذه الكلمات ووضعتها بين أيديكم..تذكرت أن اليوم هو الجمعة..قمت أتأهب.. أخذت حماما ساخنا..في هذا الشتاء البارد..شعرت بالراحة التي لا توصف وتلك القطرات الساخنة تنهمر على جسدي ..تهدئ أعصابي وتغسل همومي وتمحو آثار الآلام التي بقلبي.. لم يكن بودي أن أترك هذه الراحة وأرتدي ملابسي مرة أخرى..وددت لو يمكنني البقاء هكذا طيلة حياتي..وأن يكون العمر كله شتاء.. هكذا هو الحب وهي هذه مشاعره.. ما إن يدب في القلب ويشعر العاشق بالراحة مع من يحبها..ترتاح نفسه وتهدأ أعصابه ويشعر بالأمان..يود أن يبقى هكذا دائما..ولكن هيهات.. كمن يأخذ حماما ساخنا كما ذكرت..ربما أفلت وخرج جسده بعيدا عن الماء حينها سيشعر ببرودة الجو..هكذا العاشق لا بد أن يشعر بوخزات ألم بين الفينة والأخرى..ولو كان ذا عقل واع لاستطاع أن يعيد البهجة ثانية ..لا أن يكون مثلي..

إذا أرت أن تدخل مدينة الحب.. اصطحب معك قائمة المحاذير كي تعيش هناك بسلام.. فالحب إحساس رائع ومشاعر دفاقة وراحة في نعيمه..لكنه مأساة في عذابه..فاحذر قبل أن تلج الباب.. وقد علمتني الأيام التي قضيتها بين شوارع مدينة الحب دروسا لن أنساها ولا أستطيع نسيانها..لأني أعيش فيها لكنني شريد ليس لي دار تؤويني فيها..فلتحذر أنت كي لا تجاورني قريبا.. خذ مني ما عرفته ربما هو القليل ولكن هب أنك لم تجد أحدا يعلمك شيئا..

يبدو أن الذكريات كما يقولون ناقوس يدق في عالم النسيان ليوقظ ذكريات الألم فينا.

الحب.. كلما تنوعت أحاسيسه في قلبك..كلما زادت عدد السيوف المسلطة عليك.

ليس من العقل أن تحب فتاة لأنها أحبتك.. العقل أن تحبها لأنها أنت.

العتاب بين العاشقين محكمة.. والعقاب حبس في مأسر الفراق الأبدي.

ليس الحب قبلة ترسمها على خد حبيبتك.. الحب أن ترسم هي تلك القبلة داخلك.

العيد بين العاشقين لا ينتهي حتى إذا ما عيّد الناس باتوا هم باكين.

الشك كدابة الأرض ..يأكل الحب كما أكلت الدابة عصا سليمان.

لن تنعم بحياة إن لم تكن ذا قلب يحب.. وإن أحببت فلن تنعم بالحرية إذا.

لا تبكي على حبيب فارقك.. ابكي على من تفارقه أنت كيف تكون حاله.

متى اشتعلت فيك نار الحب ..اعلم أنها ستحرقك يوما حين تذوق الفراق.

لا تكن عاشقا أعمى.. ولا لكل شيء ترى.. هي جميلة طيلت الوقت وحبيبتك دائما.

إذا عانقتها يوما احذر أن تطعنك هي في اليوم التالي.

لا تكن خائنا.. ولا تسجن حريتك خارج قلبها .. فكما تخشى عليها تخشى عليك.

الأنانية تحول الحب لمالك ومستأجر.. حينها راهن على الفراق وانتظره.

لا تغضب مهما فعلت حبيبتك..فلن تخبرك بشيئ إلا إذا كانت تحتاجك أن تحتويها أكثر.

أخبرها ما تشاء وأجبها عما تسأل.. ولا تفارقها لكثرت ما تسأل فهي حين إذ تعطيك مساحة أكبر.

جمالها بوابة لجمال قلبها..إن لم يكن فزينه بوجودك فيه.

أخيرا..

حقيقة الحب إحساس فاجعل لنفسك داخلها كل النصيب منه..و لتحذر أن يقل يوما حينها لن يكبر ثانية.

لكن الحق كل الحق سيداتي أن تقلن آرائكن فيما ذكرت ..كيف ترون أنتن الحب؟

13 التعليقات:

غير معرف يقول...

كان ليا النصيب اني اكون اول معلقة على موضوعك ده واحب اقولك اني بشوف الحب ان الحبيب يكون صادق مع البيحبها وان هيا كرهت عمل بيعملة فاما انه يسيبة بجد او يصارحها ويقولها انا مااقدرش اسيبه بس اكبر غلط يا ابراهيم انه يتمادى في فعل ما تكره ويقولها عكس كده مثلا هيا كرهت انه يعمل حاجه فهوه يروح يقولها انا سيبت الحاجه دي عشانك وهو في الاساس ماسبهاش ابدا فاما انه يضحي عشان حبيبتة او انه يقولها انا مااقدرش اسيب الحاجه دي ويسبلها القرار اما ترضى او تستقيل مش يعيشها كل الايام في ذنب وتشيل الهم انها خلت احب واحد في حياتها يسيب كل حاجه عشانها وفي الاخر يطلع كداب اظنك عارف بتكلم على ايه يا كاتب يااجمل كاتب شوفته في حياتي ممكن من كلمة كاتب نستبدل حرف التاء بحرف الدال اعتقد هيكون افضل --المخلصة اليك سابقا((؟))

قلوب بتغنى يقول...

اولا ومن غير زعل
متهيالى مسلطة عليك بتتكتب كده مش مسلطت
ثانيا الحب هو وجهة نظر ذاتية فالبعض يراه امتلاك والبعض يراه عطاء
وانا اراه احتواء وامومة وحالة من الجنون الغير مبرر هو عشق لمن تحب عشق لخلجاته وسكونه وهدوءه وجنونه لعصبيته لرقته
هو ان تشعر انه صغيرك لابد ان تسامحه ولو قتلك

smilyrose يقول...

عزيزى ابراهيم

سوف تقول كلا منا نظرتها عن الحب من

خلال تلك التجربة التى عاشت فيها

وهنال من سيكتبن ارائهن من خلال ما

يحلمن به ولكن الحب عندى هو امتزاج

روحين بقلب ينبض فى جسدين

روح واحدة يحيا بها الاثنين

قد يبحث كلامنا عن روحه المفقودة عمره

حتى يجدها وعندما يجدها يالها من فرحة

غامرة لا تستطيع اى كلمات ان توصفها

وياليت الطرف الاخر يقدر تلك المشاعر

ساء كان شاب او فتاة

انتظرت عمرا حتى اجد من يدق له قلبى

وعتقت الحب بداخلى من اجله مشاعر

مكنونة عمرا ليس حب مراهقة

فقد اكرمنى الله وتخطيت هذا السن واكرمنى

بالعلم والثقافة والالتزام

ولكن مشكلتى رغم كل هذا ان قلبى هو من

يرى المحيطين بى وجدته ولك ان تتخيل كم

المشاعر التى احتفظ بها قلبى لتلك

اللحظة بحر من المشاعر وفيضان من الحب

اختزنها قلبى لهذا الانسان فرح بها

وفرح اكثر عندما علم انه اول مخلوق

فى حياتى احس قلبى لأول مرة بالسعادة

بلحظة الامان التى طالما حلم بها ولكن

هيهات بدء العذاب بعد لحظات

كذبات وكذبات ممن احب ورغم علمى بكل

هذا الا اننى كنت اسامح واقول بداخل

نفسى لعل لديه الاسباب لهذا سوف يتغير

تجريح والم مستمر وبرغم كل هذا ادعو

الله ان يهديه لعله يدرك مدى حبى له

ولكن ها انا تمر الليالى بى دامعة العين

قلب يئن من الجراح وهل هو مدرك لتلك

الالام الله يعلم قد اكون قد اطلت عليك

ولكن اتمنى ان يدرك كل طرف ان الحب

بالنسبة للطرف الاخر قد يكون رحيق

الحياة وان بدونه قد تتوقف الحياة

اراح الله قلوب المحبيبن وجمعهم تحت رايته

ارجو الا اكون قد اطلت عليك

smilyrose

روح الحب الصادق

غير معرف يقول...

ما ينفعش اكون وفية مع واحد خاين وتقولي الحق عليا انا الكدبت عليكي عشان ماتزعليش انت ايه يااخي والله انك انسان غريب مش عارف اني لو عرفت انك كداب عمري ماهفكر اكون معاك ولو لحظة وحده كمان كان فيها ايه لو ضحيت عشاني وسيبت الحكاية دي او صارحتني وخلتني اكون معاك وفعلا ساعتها كنت هحس انك مابتعملش غلط بس خير ياابراهيم خلاص

غير معرف يقول...

والله عمري مافكرت ان الحب البينا ده كلة هينتهي انت عارف لو دي اول مرة كنت سامحتك بس للاسف ياابراهيم دي تاني مرة ولو حابب افكرك ماعنديش مانع يوم ماقولتلي مش هضيف ايميل البنت العلى المنتدى لانك مش عايزة كده وضيفته وانت بتكلمني والله كان جرح كبير بالنسبالي بس حبي ليك غفرلك الغلطة دي بس للاسف حاولت اغفرلك الغلطة دي كمان ماقدرتش بجد ماقدرتش اينعم نفسي اسامحك بس مش قادر قلبي على كده طول عمري بكره الكدب وللاسف كان احب شخص ليا بيكدب عليا في كل كلمة قالهالي

غير معرف يقول...

طول عمرك بتقولي اعيشلك خدام وخاتم في صباعك وكنت بقول ان راجل يقول كده غريبة جدا بس قولت ممكن في واحد مخلص بطريقة كبيرة لكن للاسف صدقت وقولت انا بردو هعيشلك كده وهكون مخلصة ليك وهلبيلك كل الانت عايزة بس من غير ما اقعد اقول كتير واعرفك وقولت اسيبه يعرف كده لوحده بس للاسف على قول شرين (كلام كان كله كدب صدقتة وقولت احب اتاريني بحب قلب غير قلب كل الناس مش باين في العيون انك ممكن تخون بتبان ليا حنون ---------------الخ)للاسف مش قادرة اقولك سلام للابد لانه صعب جدا عليا بس هتعود وهحاول وهفتكر كل كدبة كدبتها عليا عشان اصبر

غير معرف يقول...

انا عرفة انك بتحنن قلبي عليك بس للاسف انا بحارب قلبي وبقوله لا بلاش كده احسن لان لو حنيت تاني هتكون دي نهايتي بجد لانك ماهتتغيرش كان فين الكلام ده واحساسك بالغلط ومعاتبة لنفسك ايام ماكنت بتستغفلني وبتكدب عليا انت بتعمل كده واحنا لسا في اول الطريق امال لما نكون في نصفه هتعمل ايه يلا ربنا يوفقك ويرزقك بوحده مناسبة ليك وتكون اخر وحده وتكون اتعلمت من تجاربك دي وتحاول تختار وحده مناسبة وتلبيلها رغباتها بدون كدب وتضحي بجد عشانها قولا وفعلا مش قولا بس

بـــــســــــــــمــــــة صـــــــــــــلاح يقول...

انت كاتب كدا فوق التعليق ((أترك لكم حرية التعليق والنقد ..فقولوا ما شئتم))..
اسمحلي اقول اللي انا عايزاه:
أولا:انا وفيت بوعدي وزرتك والبوست منتهى الجمال والروعه بجد بجد عجبني كلامك أوي منتهى الرقه.
تانيا:
أنا رايي إن الحب كلمه من حرفين بس الحرفين دول معانيهم كبيرة أوي لازم نطبقها عشان نقدر نقول اننا بنحب .
المعاني دي:
يكون الحب دا في الله ولله
يكون كله:
وفـــاء
إخـــلاص
صــــدق
تضحيــة
حنـــان
احتـواء
تسامــح
تواضــع
وكتير كتير
هي دي قوانين الحب اللي لازم نحترمها
...
وبما اني بنت بشوف ان الراجل بيكون زي الطفل محتاج أم يكون ليها قلب كبير
يحتويه ويعطف عليه
ولازم بردو تحسسو انه الملك لمملكة الحب اللي هما عايشين فيها
بس مش معنى كلامي ان الراجل يتحكم فيها او يعتبرها عبدة عنده
لألألأ
هو كمان لازم يحسسها انها ملكة المملكه دي وانها كل حاجه فحياته
بالقول والفعل
ويكون بينهم كل المعاني اللي احتوتها كلمة *حــب*
تالتا:
انا قريت الاكتر من تعليق اللي كتباهم((؟))
بجد اثرت فيا أوي وقطعت قلبي اسمحلي اتدخل واقولك ان كنت غلطت فحقها لازم تعتزرلها
لان كما تدين تدان
ان كنت جرحتها ربنا مش هيسيبك
الحق نفسك
وياريت ميخبش ظني فيك لاني لما قرات البوست حسيت انك انسان رائع وعندك مشاعر كبيرة
ياريت متخيبش ظني وظن كل قارئ
....
ربنا يجمع المتحابين بالحلال في سعادة الدنيا والأخرة
....
سوري طولت عليك وازعجتك
....
دمت بود
تحيـــاتي:)

أكون أو لا أكون يقول...

الحب يتكون تلاقائيا... من ذات نفسه... حين يتلاقى اثنان متشابهان في شيئ معين... ممكن تشابه الروحين...

mero-moory يقول...

السلام عليكم و رحمة الله و بركاته

موش عارفه اقول رايي في البوست وتعليقي عن الحب في رايي ولا عن اللي قريته في الردود ووجعني

حاسة اني تايهه في الدنيا بجد وموش فاهمه اي حد ولا اي حاجه

انا موش عارفه اقول ايه وتعبت بجد من كتر اللي قريته

الحب بالنسبة لي موش كلمتين يوصفوا معنى جميل ونعمه ربنا ادهالنا
الحب اسمى من كده بكتير بس هو فين اصلا
يعني ايه بحبك انتي حب قلوب في الله موش حب جسد
يعني ايه حد يخاف عليك أكتر من نفسه وموش يعرف ينام او يطمن غير لما يحس انك بالفعل في امان وكانك جمبه

يعني ايه لو فكرت دمعه تخرج غصب عنك هربانه من حاجه جواك يلمحها اللي بيحبك باحساسه قبل ما تخلي عينيك تلمع فيها

يااااااااه فين الحب ده
وفين مدينة الحب دي متهيالي الحب دلوقتي بقى محتاج نقب وبحث زي البترول بالظبط

فين اللي يحب ويخلص فين اللي يقول بحبك وهو ادها
فين اللي يحس بيك ويخاف عليك ومعاه تحس باهم حاجتين في الدنيا حنان وامان

فين الحب قولي ؟؟؟
(وث زهق م الدنيا وتعب بجد منها )
:(

في رعاية الله

غير معرف يقول...

طبعا مصرة امسحك من حياتي هعمل ايه يعني هوه ده القدامي كنت اتمنى تكون الغلطة الاولى عشان اسامحك بس خلاص سامحتك مرة من كتر محايلتك عليا وكمان كان في قلبي حب ليك بس انا اسفه بجد اسفه اني سمحت لقلبي يحبك ويخلصلك بالطريقة دي يا كاتب يا مصري ))----------------((؟))

anas3laa يقول...

ايه الكلام الحلو ده . طلب . حل مشكلتك و ارجع لنا . بس بجد كلام جامد . بتفكرني بأنيس منصور . ع العموم حل مشكلتك و ارجع لنا

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

 
') }else{document.write('') } }